កម្សាន្ត៖ ពិតណាស់ ច្រើនឆ្នាំមកនេះ មានអ្នកសិល្បៈច្រើនណាស់ ដែលសម្រេចចិត្តភ្ជាប់ ឬរៀបការ។ ហើយក្រោយរៀបការរួច គេឃើញមានតារាជាច្រើនបានយកកូនភ្លាមៗ ម្យ៉ាងកើតមកពិតមានមុខមាត់ស្អាត ឃ្យូតគួរឲ្យក្នាញ់ថែមទៀតផង។ មិនតែប៉ុណ្ណោះ កូនៗតារាខ្មែរទទួលបានការចាប់អារម្មណ៍ មានមហាជនស្រលាញ់ចូលចិត្តច្រើន ហើយល្បីលើបណ្ដាញសង្គមផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ថ្មីៗនេះ គេដឹងផងដែរថាមានសិល្បការិនីប៉ុន្មានរូបកំពុងពរពោះកូនដំបូងជិតគ្រប់ខែនឹងសម្រាលផងដែរ។ លើសពីនេះទៅទៀត បន្ទាប់ពីតារាស្រីប្រកាសថាខ្លួនកំពុងពរពោះកូនដំបូងភ្លាម មានហ្វេនៗជាច្រើនចូលរួមត្រេកអរគ្រប់ៗគ្នា។ ហើយតារាស្រីដែលមានផ្លៃពោះលើកដំបូងជិតគ្រប់ខែនោះមានដូចជា៖
១៖ អ្នកនាង តែ ស៊ុនសុដាលីកា
តារាសម្ដែង និងតារាចម្រៀង អ្នកនាង តែ ស៊ុនសុដាលីកា នាងបានរៀបការកាលពីដើមឆ្នាំ២០២២នេះ។ ហើយបច្ចុប្បន្ននាងកំពុងពរពោះកូនដំបូង ជិតគ្រប់ខែនឹងសម្រាលផងដែរ។
២៖ អ្នកនាង អេដា
តារាចម្រៀងសម្លេងពីរោះ អ្នកនាង អេដា បានសម្រេចចិត្តភ្ជាប់ពាក្យតាមប្រពៃណី។ ហើយថ្មីៗនេះតារាស្រីរូបនេះ ទើបនឹងបង្ហោះរូបខ្លួនកំពុងពរពោះកូនដំបូងផងដែរ។
៣៖ កញ្ញា ទេព បូព្រឹក្ស
តារាចម្រៀងកញ្ញា ទេព បូព្រឹក្ស ត្រូវបានគេដឹងថានាងមានទំនាក់ទំនងស្នេហាជាមួយតារាចម្រៀងលោក ងួន ចាន់ដេវីត។ ពិតណាស់អ្នកទាំងពីរទាក់ទងមើលចិត្តគ្នា៥ឆ្នាំហើយ ហើយទំនាក់ទំនងឈានដល់ឆ្នាំទី៥នេះ តារាស្រីរូបនេះកំពុងពរពោះកូនដំបូងផងដែរ៕