ទើបសម្រាលកូន ម៉ាក់ៗទាំងនេះ នៅតែស្អាតខ្ញង់ដដែល

កម្សាន្ត៖ បច្ចុប្បន្នមិនថាសិល្បករ ឬសិល្បការនី ភាគច្រើនគឺបានសម្រេចចិត្តរៀបការកសាងជីវិតគ្រួសារផ្ទាល់ខ្លួន ខណៈប្រជាប្រិយភាពនៅលើវិស័យសិល្បៈកំពុងមានភាពល្បីល្បាញ។ ពិតណាស់ បើទោះបីតារាខ្មែរ រៀបការមានប្ដីប្រពន្ធរួច នៅតែមានមហាជនចូលចិត្ត ហ្វេនចាំគាំទ្រដដែល។ 

យ៉ាងណាមិញ បើក្រឡេកមើលសិល្បការិនីខ្មែរ ក្រោយមានស្វាមីរួច តារាជាច្រើនបានសម្រេចចិត្តយកកូនភ្លាមៗ ដោយកូនម្នាក់ៗសុទ្ធតែមានមុខមាត់ស្អាត ឃ្យូតគួរឲ្យក្នាញ់ទៀតផង។ មិនតែប៉ុណ្ណោះ បន្ទាប់ពីបង្ហាញមុខមាត់កូន ក៏មានហ្វេនជួយត្រេកអរ ព្រមទាំងសរសើរកូនៗពួកគេគ្រប់ៗគ្នា។ 

លើសពីនេះទៅទៀត អ្វីដែលគួរឲ្យចាប់អារម្មណ៍នោះ បើទោះបីទើបតែសម្រាលកូនមិនបានប៉ុន្មានខែ ប៉ុន្តែសម្រស់ម៉ាក់ៗសម័យថ្មីនៅតែស្រស់ស្អាត ស្បែកមុខនៅតែម៉ដ្ដខៃ ជាពិសេសរូបរាងនៅតែស្លីមស្អាតដដែល។ ហើយតារាស្រី ដែលទើបនឹងសម្រាលកូនដែលអាចមើលថែសម្រស់បានយ៉ាងល្អនោះមានដូចជា៖ 

១៖ អ្នកនាង បេនីយ៉ាំង

អ្នកនាង បេនីយ៉ាំង ត្រូវបានគេដឹងថានាងទើបតែសម្រាលបានកូនប្រុសកាលពីពេលថ្មីៗនេះ។ ចំណែកអ្វីដែលគេកត់សម្គាល់ តារារូបនេះហាក់មិនផ្លាស់ប្ដូររូបរាងឡើយ នៅតែស្លីមស្អាត ហលយសម្រស់នៅតែផូរផង់ដដែល។ 

២៖ អ្នកនាង ឈុន រក្សា 

អតីតបវរកញ្ញាចក្រវាឡលំដាប់រងទី១ឆ្នាំ២០២០ អ្នកនាង ឈុន រក្សា ថ្មីៗនេះនាងទើបតែសម្រាលបានកូនប្រុសម្នាក់។ បើមើលលើសម្រស់ក្រោយសម្រាលកូន គេចាប់អារម្មណ៍ឃើញនាងនៅតែស្រស់ស្អាត មិនតែប៉ុណ្ណោះ រូបរាងកាន់តែទាក់ទាញមិនចាញ់កាលនៅក្រមុំឡើយ។ 

៣៖ អ្នកនាង វ៉ាន់ នីឡា

តារាសម្ដែង និងតារាកំប្លែងអ្នកនាង វ៉ាន់ នីឡា ទើបតែសម្រាលបានកូនស្រីកាលពីខែមុននេះ តែគេឃើញសម្រស់នាងហាក់មិនប្រែប្រួលទាល់តែសោះ ស្បែកមុខនៅតែភ្លឺរលោងដដែល។