ដល់រាងស្លីមចឹងទៅ រ៉ូលីន ឡើងប្លែក មើលមួយភ្លែតឡើងដូច ចនច័ន្ទ លក្ខិណា

ភ្នំពេញ៖ ជាការពិតណាស់ លោក ជួប​ ចាន់កក្កដា ហៅ រ៉ូលីន ជាសិល្បករពហុជំនាញ ដែលមានសមត្ថភាពពិសេសៗជាច្រើនដូចជាការច្រៀងគ្រប់ទម្រង់ ការលេងកំប្លែង និងអាចធ្វើជាពិធីករដែលពូកែខាងសម្តី និងពូកែខាងវោហារស័ព្ទ ទើបជម្រុញឲ្យលោកកាន់តែទទួលបាន ការគាំទ្រខ្លាំងឡើងៗ ពីមហាជនស្ទើរតែគ្រប់មជ្ឈដ្ឋាន។    

យ៉ាងណាមិញ បើងាកទៅមើលពីការតុបតែងខ្លួប និងស្ទាយ៍ស្លៀកពាក់របស់ រ៉ូលីន វិញគេសង្គេតឃើញថាភាគច្រើនលោកតែងតែតុបតែងជាស្រី និងមានភាពកាន់តែប្លែក និងកាន់តែស្រស់ស្អាតជាងមុន សូម្បីតែមិត្តនារីៗក៏ស្ទើរតែចាញ់តារាកំប្លែង រ៉ូលីន ផងដែរ ។

ជាក់ស្ដែង ងាកមកមើលរូបរាងរបស់ រ៉ូលីន នាបច្ចុប្បន្ននេះវិញ គឺរឹតតែប្លែកទាក់ទាញជាងមុនទៅទៀត ក្រោយពីសម្រកគីឡូមានរាងស្លីមមក ឃើញថា តារាពហុជំនាញរូបនេះ តុបតែជាស្រីកាន់តែលេចធ្លោ ជាពិសេសក្នុងឈុតរ៉ូបបែស្រមោលស ទម្លាក់សក់មួយឈុតនេះ មើលទៅ រ៉ូលីន ពិតជាស្អាតដូចស្រីពិតៗ លើសពីនេះ មើលមួយភ្លែត គឺស្រដៀងទៅនឹង អ្នកនាង ចនច័ន្ទ លក្ខិណា មែនទែន៕

សូមទស្សនារូបភាពខាងក្រោម៖