ល្បីឡើងវិញមិនប៉ុន្មាន ប៊ុត សីហា ត្រៀមចូលរោងការ?

រាជធានីភ្នំពេញ ៖ ពិតណាស់ ក្រោយស្ងាត់អស់ច្រើនឆ្នាំ ស្រាប់តែមួយរយៈចុងក្រោយនេះ តារាចម្រៀងម្ចាស់ពាន The Voice Cambodia រដូវកាលទី១ លោក ប៊ុត សីហា បានប្រកាសខ្លួនវិលត្រឡប់មកវិថីសិល្បៈវិញ ក្នុងនាមជាតារាចម្រៀងឯករាជ្យ មិនស្ថិតនៅក្រោមកុងត្រានឹងក្រុមហ៊ុនណាមួយឡើយ ពោលគឺចាប់ដៃជាមួយមិត្តភក្តិដើម្បីបង្កើតចម្រៀងដោយខ្លួនឯង។

យ៉ាងណាមិញ ទោះមានអតីតល្អក់កករយ៉ាងណា គ្រាន់តែដឹងថា តារាប្រុសរូបនេះដឹងកំហុស ចេះកែខ្លួនរួចនោះ មហាជននាំគ្នាគាំទ្រពេញទំហឹង នឹងការសម្រេចចិត្តវិលត្រឡប់មកវិញដូច្នេះ ជាមួយគ្នានេះ ត្រឹមតែប៉ុន្មានខែសោះ ប្រជាប្រិយភាពរបស់រូបលោក ហាក់មានសន្ទុះឡើងគួរឲ្យកត់សម្គាល់ជាខ្លាំង។

ជាមួយនឹងសារយ៉ាងផ្អែមល្អែម និងរូបភាពគូយ៉ាងដូច្នេះ ហ្វេនៗសង្ស័យតារាប្រុសរូបនេះ ទំនងនឹងរកដៃគូជីវិតបានថ្មីហើយ ក្រោយពេលជីវិតគូដំបូងមិនសមប្រកប ទៀតសោត មហាជននាំគ្នាអបអរសាទរ និងជូនពរឲ្យស្រឡាញ់គ្នាដល់ចាស់៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖