ធ្មេចបើកៗ ឆេង ប្រសិទ្ធ កម្លោះស្តូក សង្ហាមិនចាញ់តារាកូរ៉េ

រាជធានីភ្នំពេញ ៖ ជឿជាក់ថាបងប្អូន នៅចាំអតីតបេក្ខភាព The Voice Kid កុមារា ឆេង ប្រសិទ្ធ ជាក់ជាមិនខាន ដែលអ្នកលេងបណ្តាញសង្គម ល្បីថាមានមុខមាត់ដូចនឹងតារាកូរ៉េ ពិសេសដំបូងឡើយស្មានតែជា បងប្អូននឹងតារាចម្រៀង STEP ព្រោះមានទម្រង់មុខមាត់ប្រហាក់ប្រហែលគ្នាខ្លាំង។

ទោះបីមិនបានជ័យលាភីក្តី តែគិតមកដល់ពេលនេះ កុមារាវ័យ១០ឆ្នាំផ្លាយរូបនេះ រក្សាប្រជាប្រិយភាពរបស់ខ្លួនបានយ៉ាងល្អ មិនត្រឹមតែបន្តឡើងច្រៀងលើឆាកតន្ត្រីញឹកញាប់ប៉ុណ្ណោះទេ កុមារារូបនេះ នៅទទួលបានការងារថតស្បតពាណិជ្ជកម្មជាហូរហែថែមទៀតផង​ លើសពីនេះទៅទៀត ក៏មានចេញបទចម្រៀងថ្មីជារឿយៗមិនចាញ់បេក្ខភាពស្រករគ្នាឡើយ។

តួយ៉ាង ធ្លាប់ជាក្មេងតូចម្នាក់ច្រៀងលើឆាកម្នាក់ តែធ្មេចបើកៗកន្លងផុតទៅ៥ឆ្នាំ ពេលនេះពេញកម្លោះស្តូក ដោយរូបសម្បត្តិរបស់តារាប្រុសវ័យក្មេង ឆេង ប្រសិទ្ធ កាន់តែប្លែកទាក់ទាញខ្លាំងឡើង បូករួមនឹងស្ទាយ៍រៀបចំខ្លួនបែបហ្វេសសិនទៀតនោះ ធ្វើឲ្យកុមារារូបនេះ ត្រូវគេឯងសរសើរថាសង្ហាគ្រប់ៗគ្នា កម្ពស់ខ្ពស់ស្រឡះ រាងស្តើង មុខមាត់គួរឲ្យស្រឡាញ់ សមជាតារាមែន ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖