ទឹម​ រដ្ឋា​ ថាខ្លួន​​មានសំណាង​ តាំងពីរៀបការជាមួយគ្រួសារបរទេស​ (មានវីដេអូ)

ភ្នំពេញ៖  ប្រិយមិត្តដែលជាហ្វេនរបស់ កញ្ញា ទឹម រដ្ឋា ពិតជាបានជ្រាបរួចហើយ ថា​​តារាស្រីរូបនេះ តែងតែនិយមស្ទីលស៊ិចស៊ី ស៊ីអារម្មណ៍ គួរឲ្យចាប់អារម្មណ៍កម្រិតណា។ ជាពិសេស តារាសម្ដែង និងជាតារាម៉ូដែលរូបនេះ ក៏រឹតតែធ្វើឲ្យអ្នកគាំទ្រ កាន់តែចាប់អារម្មណ៍ខ្លាំងលើជីវិតគូរបស់នាងផងដែរ។

ជាការពិត បន្ទាប់ពីរៀបការជាមួយបុរសជនជាតិបរទេសរួចមក ទឹម រដ្ឋា ក៏ចាប់ដៃគ្នាសម្រុករកស៊ីបើកមុខជំនួញ ជាហូរហែរ មិនតែប៉ុណ្ណោះ តារាស្រីរូបនេះ ក៏តែងតែបង្ហាញភាពផ្អែមជាញឹកញយជាមួយស្វាមីផងដែរ។

លើសពីនេះទៅទៀត កាលពីថ្មីៗនេះ ទឹម រដ្ឋា បានធ្វើឲ្យនារីៗជាច្រើនលួចច្រណែន និងជីវិតគូរបស់នាងមិនស្ទើរ ដែលបានស្វាមីដ៏ស្រស់សង្ហា ថែមទាំងពូកែផ្អែមល្ហែម ជាពិសេស ថ្មីៗនេះ ថែមទាំងបាន Surprise ភរិយាដោយទិញខុនដូរដ៏ទំនើបមួយ ធ្វើឲ្យ ទឹម រដ្ឋា ពោលពាក្យសរសើរស្វាមីពេញមាត់ ថែមទាំង ថាខ្លួនជានារីសំណាងខ្លាំងណាស់ ដែលមានស្វាមីតែងតែចូលមកបំពេញក្តីស្រម៉ៃរបស់នាងយ៉ាងដូច្នេះ៕

សូមទស្សនារូបភាព និងជូនវីដេអូខាងក្រោម៖