តែងបុរាណថតនឹងសត្វដំរី បង្ហាញភាពទន់ភ្លន់ ណាក់ ស្រីណា ស្អាតគ្មានទាស់

ភ្នំពេញ៖ សិល្បការិនីកញ្ញា ណាក់ ស្រីណា ត្រូវបានមហាជនចាត់ទុកជាតារាស្រីបែបស្រគត់ស្រគំ មិននិយមតែងខ្លួនស្លៀកពាក់ស៊ិចស៊ីពេក។ ពិតណាស់ បើនិយាយពីរូបសម្ផស្សនាងពិតជាស្រស់ស្អាតបែបនារីខ្មែរ គ្រប់ពេលនាងតែងខ្លួនស្លៀកឈុតប្រពៃណី ឬឈុតបុរាណ ឃើញថាមានភាពស្រស់ស្អាតផូរផង់។

លើសពីនេះទៅទៀត តារាសម្ដែង និងពិធីការិនីរាងតូចច្រឡឹងរូបនេះ ក៏និយមរៀបចំខ្លួនបែបសាមញ្ញធម្មតា ពេខ្លះសឹងតែមិនផាត់មុខលាបក្រែមក៏សម្រស់នាងនៅតែស្រស់សោភាដដែល។ មិនតែប៉ុណ្ណោះ រូបភាពដែលនាងធ្លាប់បានបង្ហោះ តែងតែធ្វើឲ្យមហាជនលួចសរសើរពីនាងស្ទើគ្រប់ៗគ្នា។ 

ជាមួយគ្នានេះដែរ អ្វីដែលរឹតតែគួរឲ្យចាប់អារម្មណ៍លើកញ្ញា ណាក់ ស្រីណា នាងបានតុបតែងខ្លួនស្លៀកឈុតបុរាណ ថតជាមួយនឹងសត្វដំរី បង្ហាញពីភាពទន់ភ្លន់ជានារីខ្មែរ ហ្វេនឃើញហើយលួចលង់នឹងសម្រស់ដ៏ស្រទន់នាងស្ទើតែមិនបាន។ ហើយគ្រប់សន្លឹកនៃរូបភាពនោះ បញ្ជាក់ឲ្យឃើញថានាងពិតជាសមសួន ហើយរមទមមិនចាញ់ស្ត្រីខ្មែរកាលពីជំនាន់ដើមប៉ុន្មានឡើយ៕

ប្រភពរូបភាព៖ Nob Dane samangkar 

សូមទស្សនារូបភាពខាងក្រោម៖