ស្ងាត់ៗ យាយយ៉យ ចូលប្រលង ផ្អើលអស់គណៈកម្មការ សម្លេងក៏ញាក់(មានវីដេអូ)

រាជធានីភ្នំពេញ ៖ ពិតណាស់ តារាកំប្លែងជើងចាស់ យាយយ៉យ ជាតារាកំប្លែងដៃគូច្រៀងអាយ៉ៃជាមួយ លោកគ្រូ ព្រហ្ម ម៉ាញ ដែលធ្លាប់ធ្វើឲ្យ គេឯងទប់សំណើចមិនបាន ជាមួយនឹងទេពកោសល្យកំប្លែងស្ងួត របស់តារាកំប្លែងស្រីជើងចាស់រូបនេះ ជាហេតុធ្វើឲ្យ គាត់នៅតែមានប្រជាប្រិយរហូតមកដល់ពេលនេះ។

ជាក់ស្តែង ថ្មីៗនេះ តារាកំប្លែង យាយយ៉យ ធ្វើឲ្យមហាជន និងគណៈកម្មការភ្ញាក់អារម្មណ៍ព្រឺត ក្រោយតារាស្រីរូបនេះ បង្ហាញមុខក្នុងការប្រកួតចម្រៀង Cambodia Idol ប្រណាំងប្រជែងជាមួយក្មេងៗនឹងគេដែរ តែយ៉ាងណាមិញ ធ្លាប់តែស្តាប់ការច្រៀងអាយ៉ៃ ពេលមកបកស្រាយចម្រៀងវិញ យាយយ៉យ ធ្វើឲ្យទស្សនិកជនចំហមាត់​។

ទន្ទឹមនឹងនេះ គណៈកម្មការទាំង៤ ក៏បានឆ្លើយ Yes ហើយនៅមាន បងប្អូនជាច្រើននាក់ បញ្ចេញមតិសរសើរតារាកំប្លែងជើងចាស់រូបនេះ យ៉ាងច្រើន ជាមួយទឹកដមក្រអួនក្រអៅធ្វើឲ្យគេឯងស្តាប់ហើយ លន្លង់លន្លោចតាមគ្រប់ៗគ្នាតែម្តង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖