អាយុមិនតិចទេ តែសម្រស់ ផន ស្រីខួច កាន់តែស្អាតទៅៗ

ភ្នំពេញ៖ កញ្ញា ផន ស្រីខួច ជាតារាចម្រៀងមួយរូបដែលមានទឹកដមសំនៀងពីរោះ មិនថាច្រៀងបទបុរាណ បទសម័យ បែបមនោសញ្ចេតនា ឬញាក់កន្រ្ទាក់អារម្មណ៍នោះទេ សុទ្ធសឹងតែពីរោះគ្រប់បទតែម្ដង។

ជាពិសេស ហើយប៉ុន្មានឆ្នាំចុងក្រោយនេះ នាងកាន់តែមានឈ្មោះល្បីល្បាញ និងកាន់តែមានការងារច្រើនសឹងតែគ្មានពេលទំនេរ។ មិនត្រឹមតែមានសមត្ថភាពផ្នែកចម្រៀងសម័យ និង បុរាណនោះទេ តែបើងាកទៅមើលរូបសម្ផស្ស កញ្ញា ផន ស្រីខួច ក្នុងពេលបច្ចុប្បន្ននេះវិញ ឃើញថា នាងកាន់តែមានសម្រស់ស្រស់ស្អាតជាងមុន ជាពិសេស ស្ទាយ៍តែងខ្លួនក៏កាន់តែលេចធ្លោ និង ស៊ីវិស័យគួរឲ្យចាប់អារម្មណ៍។

ជាក់ស្ដែង បើក្រលេកមើលការតុបតែងខ្លួន ស្រីខួច បច្ចុប្បន្ននេះគឺឃើញថា រឹតតែស្អាតទាក់ទាញជាំពិសេសកាន់តែលើកសម្រស់នាងមើលទៅកាន់តែក្មេងជាងវ័យ ទាំងខណៈដែលតារាស្រីរូបនេះក៏មានវ័យជ្រេគួរសមហើយដែរ៕

សូមទស្សនារូបភាពខាងក្រោម៖