កាន់តែធំកាន់តែស្អាត! បើសម្លេង ឃុយ មុីហៀង វិញ ស្ដាប់ឡើងព្រឺសម្បុរ(មានវីដេអូ)

កម្សាន្ត៖ អតីតបេក្ខភាពប្រឡងចម្រៀងក្នុងកម្មវិធីលំដាប់ថ្នាក់ពិភពលោក The Voice Kid Cambodia រដូវកាលទី១ កុមារី ឃុយ ម៉ីហៀង បានក្លាយជាតារាចម្រៀងកុងត្រាប្រចាំផលិតកម្មរស្មីហង្សមាស ក្រោយបញ្ចប់ការប្រឡងជាស្ថាពរ។

ជាមួយគ្នានេះ កាលនោះបើទោះបីជាក្មេងស្រីរូបនេះមិនទទួលបានពានរង្វាន់ក៏ដោយ ប៉ុន្តែទទួលបានការលើកស្ទួយចូលផលិតកម្មដោយសារមានទឹកដមសម្លេងផ្អែមស្រទន់ និងពីរោះក្រអួន​ក្រអៅគួរឱ្យចាប់អារម្មណ៍។  យ៉ាងណាមិញ ថ្មីៗនេះ កុមារី ឃុយ ម៉ីហៀង បានធ្វើឲ្យមហាជន ក៏ដូចជាអ្នកគាំទ្រភ្ញាក់ផ្អើលយ៉ាងខ្លាំង ក្រោយឃើញតារាវ័យក្មេងរូបនេះ បញ្ចេញសំនៀងច្រៀងគោកក្នុងបទចម្រៀមួយបទ យ៉ាងពិរោះរណ្តុំស្តាប់ឡើងព្រឺសម្បុរ ដូចនៅក្នុងស្ទូឌីយូ៉អញ្ចឹង។

ហើយមិនត្រឹមតែប៉ុណ្ណោះ ម៉ីហៀង ត្រូវបានមហាជននិយាយថា សរសើរមិនដាច់ ព្រោះថានាងពេលនេះ មិនត្រឹមតែស្អាតនោះទេ ឯសម្លេងរបស់នាងវិញ អាចបទបែនបានគ្រប់ទម្រង់ មិនថាបទមរតកដើម ឬបទសម័យនោះទេ គឺម៉ីហៀងច្រៀងបានទាំងអស់៕

សូមទស្សនារូបភាព និងជូនវីដេអូខាងក្រោម៖