ស្រលាញ់​មួយណា? តារាប្រុសទាំងនេះ​ ពូកែនិពន្ធចម្រៀងខ្លួនឯង​ ច្រៀងពីរោះទាំងបងទាំងប្អូន

កម្សាន្ត​៖​ ជឿជាក់ថា​ ប្រិយមិត្ត​ដែលជាអ្នកនិយមលេងបណ្ដាញសង្គម​​ និងជាអ្នកចូលចិត្តស្ដាប់បទចម្រៀងរបស់តារាចម្រៀងខ្មែរយើង​ ច្បាស់ជាស្គាល់តារាចម្រៀងដ៏មានទេពកោសល្យទាំងប៉ុន្មាននាក់ខាងក្រោមនេះជាក់ជាមិនខាន​ ព្រោះបទចម្រៀងរបស់ពួកគេសុទ្ធតែល្បីៗ​ និងទទួលបានការគាំទ្រច្រើនផងដែរ។ 

ជាមួយគ្នានេះ​ អ្វីដែលមហាជន​ ក៏ដូចជាអ្នកគាំទ្រ​កាន់តែចាប់អាម្មណ៍ថែមទៀតនោះ​ គឺតារាប្រុសទាំងនេះ​សុទ្ធតែជាបងប្អូនបង្កើតនឹងគ្នា​ និងមានសមត្ថភាពពូកែៗខាងតន្ដ្រីនេះដូចគ្នាទៀត។ 

ជាពិសេស​ រាល់បទចម្រៀងរបស់បងប្អូនតារាទាំងនេះ​ ពួកគេសុទ្ធតែជាអ្នកនិពន្ធ​ ទាំងសាច់ភ្លេង​ ទំនុកច្រៀង​ និងការរៀបចំនានា​ ដោយខ្លួនឯង ហើយបទនីមួយៗពិតជាពីរោះស្ទើរគ្រប់បទ​ អ្នកគាំទ្រចូលចិត្តនិងសរសើរជាហូរហែ។៕

១.ម៉ុង​ ម៉ានិត​ និងប្អូនប្រុស​ ម៉ុង​ ម៉ានុត​

មិនត្រឹមតែមានសមត្ថភាពច្រៀងល្អដូចគ្នា​ តែបងប្អូនគេពីរនាក់នេះថែមទាំងពូកែនិងល្បីល្បាញខាងផ្នែកនិពន្ធរឿងសៀវភៅប្រលោមលោកផងដែរ។ 

២.ម៉ម​ ដួងសិទ្ធ​ (ដួង​ វិរៈសិទ្ធ​)​ និងប្អូនប្រុស​ ម៉ម​ ពេជ្ជរិទ្ធ​

ត្បិតមិនដែលមានសកម្មភាពសិល្បៈជាមួយគ្នា​ ហើយថែមទាំងមិនដែលរួមក្រុមហ៊ុនផលិតកម្មជាមួយគ្នា​ តែបងប្អូនគេពីរនាក់នេះ​ សុទ្ធតែមានបទល្បីៗជាច្រើនរៀងៗខ្លួន។