ផ្អាកពីសិល្បៈសំងំថែសម្រស់ ស្រីនិច កាន់តែស្អាតក្មេងខ្ចីឡើង

ភ្នំពេញ៖ កញ្ញា ស៊ឹម ស្រីនិច គឺជាតារាស្រីវ័យក្មេង ដែលមានសន្ទុះក្នុងវិស័យសិល្បៈជាលំដាប់ពីមួយឆ្នាំទៅមួយឆ្នាំ នាងអាចទទួលបានប្រជាប្រិយភាព និងមានការចាប់អារម្មណ៍ច្រើនពីទស្សនិកជនគ្រប់មជ្ឈដ្ឋានយ៉ាងឆាប់រហ័ស តាមរយការសម្ដែងខ្សែភាពយន្ត និងជាពិធីការិនីជាដើម។ 

ប៉ុន្តែទន្ទឹមនឹង សន្ទុះនៃការគាំទ្រ និងភាពល្បីល្បាញនៅក្នុងវិស័យសិល្បៈកំពុងកើនឡើងយ៉ាងណាក្តី ក៏ តារាស្រីរូបនេះបានសម្រេចចិត្តប្រកាសផ្អាកពីសិល្បៈមួយរយៈបាត់ទៅហើយ រហូតមកដល់បច្ចុប្បន្ននាងមិនទាន់បង្ហើបដំណឹងត្រលប់វិញនោះទេ។

ម្យ៉ាងវិញទៀត ខណៈដែលកំពុងផ្អាកពីសិល្បៈ ស្រីនិច ក៏មិនបានបាត់មុខទៅណានោះទេ គឺនាងតែងតែបង្ហាញខ្លួននៅលើបណ្ដាញសង្គមជាញឹកញាប់។ ជាក់ស្ដែង តែបើក្រឡេកទៅមើលរូបសម្រស់នាងនាពេលបច្ចុប្បន្ននេះវិញ ឃើញថា តារាសម្ដែងស្រីរូបនេះ ពិតជាមានមុខមាត់ស្អាត និងមានរូបរាងស្រឡូនគួរឲ្យទាក់ទាញតែម្ដង។ មិនតែប៉ុណ្ណោះ មួយរយៈចុងក្រោយនេះ នាងតែងតែបង្ហោះរូបភាពបង្អួតសម្រស់ជាមួយនឹងស្ទីលតុបតែងខ្លួន ស្លៀកឈុតស៊ិចស៊ី បញ្ចេញសាច់.សខ្ចីទៀតផង៕

សូមទស្សនារូបភាពខាងក្រោម៖