តារាបាត់មុខ មិនប្រាកដ សុទ្ធតែលំបាក! មង្គល ទីណា សំងំប្រើជីវិតសុភមង្គល ជីវិភាពមិនអន់

រាជធានីភ្នំពេញ ៖ ពិតណាស់ តារាចម្រៀង មង្គល ទីណា ជាតារាចម្រៀងបែបយុវវ័យ ដែលធ្លាប់ទទួលបាន ការគាំទ្រភ្លូកទឹកភ្លូកដី កាលពីប៉ុន្មានឆ្នាំមុន តែក្រោយរៀបការ មានគ្រួសាររួចមក រូបលោកក៏ ហាក់ដកដៃពីការងារសិល្បៈច្រើន ដែលធ្វើឲ្យហ្វេនៗស្ទើរភ្លេចមុខរូបលោកទៅហើយ។

តែយ៉ាងណាក្តី បើទោះបី មិនល្បីល្បាញដូចពេលមុន មិនសូវមានអ្នកស្គាល់ ប៉ុន្តែ បើក្រឡេកទៅមើល ជីវិត​ឯកជនរបស់រូបលោកវិញ គ្រាន់តែឃើញ ក៏ដឹងថាមាន ចំហាយសុភមង្គលខ្លាំងផងដែរ មិនតែប៉ុណ្ណោះ បាត់មុខពីសិល្បៈមែន តែមិនមែន សំងំរស់នៅក្នុងជីវិភាពលំបាកលំបិននោះឡើយ ផ្ទុយទៅវិញ តារាប្រុសរូបនេះនិងគ្រួសារ ត្រូវគេដឹងថា ជាអាជីពករមានលុយរហូតដល់ ជិះឡានland cruiser ស៊េរីថ្មី។

យ៉ាងណាមិញ អាយុកាន់តែជ្រេ កូនៗកាន់តែធំទៅហើយ តែសម្រស់តារាចម្រៀងរូបនេះនិងភរិយា នៅតែក្មេងខ្ចីញេញ មិនគួរឲ្យជឿថា ជាឪពុកម្តាយមានកូនច្បង១៣ឆ្នាំហើយទៅនោះទេ ដែលធ្វើឲ្យ ជីវិតរបស់រូបលោកនិងគ្រួសារ ហាក់មានក្តីសុខជាខ្លាំង៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖