ពុម្ពតែមួយ! កូនប្រុសច្បង មង្គល ទីណា កាន់តែធំ កាន់តែដូចលោកប៉ាខ្លាំង

កោះកុង ៖ ជឿជាក់ថា បងប្អូនភាគច្រើន ប្រាកដជា បានស្គាល់តារាចម្រៀងប្រុស លោក មង្គល ទីណា បើទោះបី ដកឃ្លាពីវិស័យសិល្បៈចម្រៀងច្រើនឆ្នាំ សំងំកសាងទ្រនំគ្រួសារយ៉ាងសុភមង្គល ផ្លាស់ទៅរស់នៅឆ្ងាយពីទីក្រុង ដែលមានភរិយាជា អាជីវករលក់ដូរក្នុងផ្សារក្រុងកោះកុង មានកូនប្រុសស្រី៣នាក់។

ជាមួយគ្នានេះ បើទោះមិនសូវ ទទួលការចាប់អារម្មណ៍ដូចពេលមុនក៏ពិតមែន តែជីវិតឯកជនតារាចម្រៀងប្រុសរូបនេះ ហាក់មានចំហាយក្តីសុខជាខ្លាំង ជាពិសេស ការរកស៊ីអ្នកទាំងពីរពិតជា កាក់កបខ្លាំង រហូតដល់ថ្មីៗនេះ តារាប្រុសរូបនេះ បង្អតរថយន្តLuxu570 តម្លៃជាង២០ម៉ឺនដុល្លារ។

យ៉ាងណាមិញ បើក្រឡេកទៅមើលកូនៗវិញ ជាពិសេសកូនប្រុសច្បងវិញ អាយុនៅតិច ប៉ុន្តែសង្ហាញាក់ មុខមាត់វិញ កាត់តាមលោកប៉ា ដូចបោះពុម្ពតែមួយ លើសពីនេះទៅទៀត កូនប្រុសមានទឹកមុខមិនសូវចេះញញឹម ភាគច្រើនសូម្បីតែអ្នកម៉ាក់ក៏ ចំណាំថា កូនប្រុសតែងមានទឹកមុខស្មើ តែមើលយ៉ាងណា ក៏គួរឲ្យស្រឡាញ់៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖ស