គេថា កូនច្រើន ប្តីលែងសូវស្រលាញ់ តែប្តី សូរ្យ អេណា ស្រលាញ់នាង លើសដើម ថែដូចព្រះនាង

ហុងកុង ៖ ពិតណាស់ ក្រោយរៀបការ ជាមួយស្វាមីជនជាតិបរទេសរួចមក ដោយសារតែ ការងាររបស់ស្វាមី អតីតតារាមូដែល សូរ្យ អេណា ត្រូវផ្លាស់ទៅរស់នៅឯហុងកុង តាមស្វាមី ដែលសព្វថ្ងៃនេះ រូបនាងមានចំណងដៃ កូនស្រីចំនួន ២នាក់រួចទៅហើយ។

យ៉ាងណាមិញ បើទោះបី រស់នៅឆ្ងាយពីប្រទេសកំណើត តែបណ្តាអ្នកគាំទ្រ តារាមូដែលរូបនេះ នៅតែតាមដានជីវិតឯកជនរបស់រូបនាង ដូចមុនដដែល ជាក់ស្តែង មហាជនតែងចង់ដឹងឮ ជាក់ស្តែង បើក្រឡេកទៅមើលគ្រួសារតូចមួយនេះវិញ តាំងពីមានកូនទី២រួចមក គេឃើញ គ្រួសារមួយនេះ កាន់តែមានសុភមង្គលខ្លាំងឡើង។

ជាពិសេស គេឃើញគូស្វាមីភរិយាមួយនេះ កាន់តែចំណាយពេលច្រើនជាពេលមុនៗ នាំកូនស្រីទាំងពីរដើរលេងកម្សាន្តថែមទៀតផង គ្រាន់តែឃើញរូបភាពចែករំលែក លើបណ្តាញសង្គម ក៏ដឹងថា គ្រួសារមានសមាជិក៤នាក់នេះ កក់ក្តៅ និងរីករាយកម្រិតណាដែរ ស្វាមីក៏មានការងារល្អ សង្ហាក៏សង្ហា ហើយថែមទាំង មានកូនស្រីទាំងពីរ សុខភាពល្អ ហើយស្រស់ស្អាត គួរឲ្យខ្នាញ់ដែរ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម​ ៖