ក្រោយកាត់សក់ខ្លី ព្រះកាយច័ន្ទ តែងខ្លួនដូចប្រុស មើលសឹងមិនស្គាល់

ភ្នំពេញ៖ បច្ចុប្បន្នតារាស្រីពហុជំនាញកញ្ញា ព្រះកាយច័ន្ទ កាន់តែមានសន្ទុះនៅក្នុងវិស័យសិល្បៈជាលំដាប់ ម្យ៉ាងតារារូបនេះពីមួយឆ្នាំទៅមួយឆ្នាំមានរវល់នឹងការងារច្រើន មិនថាថតខ្សែភាពយន្ត ច្រៀង ឬពិធីការិនីនោះទេ។ ក្នុងនោះដែរ បើទោះបីមានភាពមមាញឹកជាមួយខ្លាំងប៉ុណ្ណា ក៏តារារូបនេះនៅឆ្លៀតបើកសាលាបង្រៀនផ្នែកសិល្បៈទាំងសម័យ និងបុរាណ ដើម្បីបង្រៀនក្មេងៗជំនួនក្រោយផងដែរ។​ 

ក្រៅពីការងារសិល្បៈ យើងក្រឡេកទៅមើលរូបសម្រស់របស់កញ្ញា ព្រះកាយច័ន្ទ ឃើញថានាងពិតជាមានមុខមាត់ស្រស់ស្អាតតែម្ដង គ្រប់បេលដែលនាងញញឹមគឺមានមនត្តស្នេហ៍ខ្លាំង។ ពិតណាស់ តារាស្រីរូបនេះតែងតែធ្វើឲ្យទស្សនិកជន និងអ្នកគាំទ្រភ្លឹកសង់នឹងរូបសម្ផស្សដ៏ស្រស់ផូរផង់នាងគ្រប់ពេល។ ជាមួយគ្នានេះដែរ ប្រិយមិត្តធ្លាប់តែឃើញនាងទុកសក់វែង​ ប៉ុន្តែថ្មីៗនេះតារារូបនេះ បានសម្រេចកាត់សក់ខ្លីភ្លាមៗ ធ្វើឲ្យអ្នកលេងបណ្ដាញសង្គមភ្ញាក់ផ្អើលតែម្ដង។ 

តួយ៉ាង បន្ទាប់ពីកាត់សក់ខ្លីបានមួយរយៈ​ ថ្មីៗនេះកញ្ញា ព្រះកាយច័ន្ទ បានធ្វើឲ្យអ្នកគាំទ្រមើលនាងស្ទើរតែមិស្គាល់ ក្រោយនាង ស្លៀកសម្លៀកបំពាក់បែបសាមញ្ញដើរផ្សារបែបនេះ។ លើសពីនេះទោទៀត គេចាប់អារម្មណ៍ឃើញមុខរបស់នាងមិនផាត់មុខសូម្បីបន្តិច ដោយបង្ហាញមុខធម្មជាតិយ៉ាងជឿជាក់តែម្ដង។ មិនតែប៉ុណ្ណោះ ទោះតារារូបនេះ តែងខ្លួនបែបធម្មតាៗ តែនាងនៅតែស្រស់ស្អាតមួយបែបផ្សេងទៀតដដែល៕

សូមទស្សនារូបភាពខាងក្រោម៖