បាត់ពីសិល្បៈរាប់ឆ្នាំ វ័យក៏ជ្រេប៉ុន្តែ តារាប្រុសជើងចាស់ទាំងនេះ នៅសង្ហាដដែល

កម្សាន្ត៖ បើរម្លឹកដល់សិល្បករល្បីៗកាលពីអំឡុងទសវត្សរ៍ ៩០-២០០០ មានតារាច្រើននាក់ណាស់ដែលមានសមត្ថភាព និងទេពកោសល្យល្អ សម្ដែងបានគ្រប់ទម្រង់ និងអាចបត់បែនបានគ្រប់កាលៈទេសៈតែម្ដង។ ប៉ុន្តែក្រោយប្រឡួកលើវិថីសិល្បៈបានមួយរយៈ កំពុងសាងកេរ្ដិ៍ឈ្មោះល្បីល្បាញ ស្រាប់តែតារាទាំងនេះបានផ្អាកការងារសិល្បៈ សម្រេចចិត្តទៅរស់នៅបរទេស ដើម្បីរៀបការកសាងជីវិតគ្រួសារផងដែរ។

ពិតណាស់ បើក្រឡេកទៅមើលតារាប្រុស៣រូបដែលមានដូចជា លោក នួន សុផល លោក​ ហង្ស ឈា និងលោក ស៊ុក​ សុភា បើទោះបីឃ្លាតឆ្ងាយពីវិស័យសិល្បៈអស់ជាច្រើនឆ្នាំ មិនបានបង្ហាញមុខក្នុងវិស័យភាពយន្តជាថ្មីម្ដងទៀតក៏ពិតមែន តែនៅមានមហាជន និងហ្វេនជាច្រើននៅតែចងចាំស្នាដៃ ហើយនឹករលឹកចង់ដឹងចង់់់ឮពីសុខទុកជីវិតឯកជនរបស់អ្នកទាំង៣គ្រប់គ្នា។

តួយ៉ាង បើនិយាយពីរូបសម្បត្តិលោក នួន សុផល លោក​ ហង្ស ឈា និងលោក ស៊ុក​ សុភា គេដឹងថាកាលចូលសិល្បៈដំបូងអ្នកទាំង៣មានរូបសម្រស់ស្អាត សង្ហា រូបរាងក៏មាំមួនគួរឲ្យទាក់ទាញ រហូតមានមហាជនមួយចំនួនលាន់មាត់សរសើរគ្រប់ៗគ្នា។ ក្នុងនោះដែរ ជឿជាក់ថាប្រិយមិត្តធ្លាប់តែបានឃើញមុខមាត់អតីតសិល្បករល្បីៗទាំងនេះពីមុន តែបើមកមើលរូបសម្បិត្តិតារាទាំងនេះនាពេលបច្ចុប្បន្នវិញ គឺនៅតែសង្ហាសាច់ដុំតឹងណែន ហើយមានមន្តស្នេហ៍មិនចាញ់កាលនៅវ័យជំនង់ប៉ុន្មានឡើយ។

គួរបញ្ជាក់ផងដែរថា បច្ចុប្បន្ន លោក នួន សុផល លោក​ ហង្ស ឈា កំពុងរស់នៅលើទឹកដីសហរដ្ឋអាមេរិក ចំណែកលោក ស៊ុក សុភា រស់នៅប្រទេស អូស្ត្រាលី ប៉ុន្តែកាលពីពេលថ្មីៗនេះលោកទើបតែត្រលប់មកលេងប្រទេសកម្ពុជាផងដែរ៕

សូមទស្សនារូបភាពខាងក្រោម៖