ភ្នំពេញ៖ នាពេលថ្មីៗនេះ កំពូលអ្នកប្រដាល់លំដាប់ជួរមុខ លោក វង្ស ណយ បានយកអំណោយជាគ្រឿងឧបភោគមីសរុប៤៦កេស មកជូនកាកបាទក្រហមកម្ពុជា ដើម្បីទុកជូនដល់អ្នកខ្វះខាតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក យោងតាមគណនីហ្វេសប៊ុករបស់អ្នកប្រដាល់រូបនេះ បានសរសេរជាសារខ្លីមួយ ដែលលោកបានយកគ្រឿបឧបភោគមកជូនកាកបាទក្រហមកម្ពុជា ប្រកបដោយទឹកចិត្តជ្រះថ្លា ដែលសំណេរមានអត្ថន័យយ៉ាងដូច្នេះថា៖
បើដឹងថាខ្លួនក្រហើយ គ្មានសំណាងទៀត ត្រូវខំធ្វើបុណ្យឱ្យបានច្រើន ទៅតាមសទ្ធាដែលមាន ទោះបីទេវតាមិនដឹង ក៏យើងមានសេចក្តីសុខផ្លូវចិត្តដែរ ពេលនេះខ្ញុំបានយកមីចំនួន ៤៦កេស មកជូន កាកបាទក្រហមកម្ពុជា ហើយសូមជូនដល់ បងប្អូនដែលមានបញ្ហា ដោយសារទឹកជំនន់ (សូមជូនបុណ្យផងអ្នកទាំងអស់គ្នាអើយ) សូមអរគុណយ៉ាងជ្រាលជ្រៅដល់ នាយិកាកបាទក្រហម ដែលបានទទួលយ៉ាងកក់ក្តៅខ្លាំងបំផុត។
ចំណែកមហាជនក៏កោតសរសើរទៅដល់ទឹកចិត្តរបស់កីឡាប្រដាល់ជើងចាស់រូបនេះផងដែរ ដែលកន្លងមកលោកតែងតែជួយអ្នកដទៃនាពេលកន្លងមកផងដែរ៕
សូមចូលទស្សនារូបភាពខាងក្រោម៖
Bong I.T