ស្កុតឡែន៖ លោកតាម្នាក់ឈ្មោះថា Nick Gardner អាយុ៨១ឆ្នាំ បានចាប់ផ្ដើមការតាំងចិត្តនៃការឡើងភ្នំរបស់គាត់ក្នុងប្រទេសស្កុតឡែនកាលពីឆ្នាំមុន ដើម្បីជាការផ្ដល់កិត្តិយសដល់ប្រពន្ធដែលធ្លាក់ខ្លួនឈឺ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកតា និងប្រពន្ធរបស់គាត់ បានផ្លាស់ពីជាយក្រុងអង់គ្លេស ទៅកាន់ជ្រុងម្ខាងដែលឆ្ងាយនៃតំបន់ខ្ពង់រាបស្កុតឡែន កាលពីគាត់មានអាយុ៥០ឆ្នាំម៉្លេះ។ ហើយប្រពន្ធរបស់គាត់បានមានជំងឺវង្វេងខ្លាំង បូករួមទាំងជំងឺពុកឆ្អឹងកាលពីបួនឆ្នាំមុន ដែលត្រូវការការមើលថែពេញ២៤ម៉ោងតែម្ដង។ ដូច្នេះ គាត់ក៏បានបញ្ជូនប្រពន្ធរបស់គាត់ទៅកាន់មន្ទីរពេទ្យ ដើម្បីឲ្យគេមើលថែ ហើយមិនយូរប៉ុន្មានផង ប្រពន្ធក៏បានស្លាប់បាត់ទៅ ដោយបន្សល់ទុកនូវភាពសោកស្ដាយ និងក្រៀមក្រំដល់គាត់។
យ៉ាងណាមិញ លោកតាបានយកការឡើងភ្នំ ជាការជួយឲ្យគាត់ផ្ដោតអារម្មណ៍លើអ្វីថ្មីៗ ហើយប្រសិនបើគាត់មិនបានឡើងភ្នំទេ គាត់នឹងមានបញ្ហាសុខភាពផ្លូវចិត្តផងដែរ។ ហើយគាត់បានប្ដេជ្ញាថា នឹងឡើងភ្នំចំនួន២៨២ភ្នំក្នុងរយៈពេល១,២០០ថ្ងៃ ដែលរហូតមកទល់ពេលនេះ គាត់បានឡើងភ្នំចំនួន១៧៧ភ្នំហើយ។ ទន្ទឹមនឹងនេះដែរ គាត់បានបើករៃអង្គាសប្រាក់នៅលើបណ្ដាញអ៊ីនធើណេត ដែលទទួលបានប្រាក់ចំនួនប្រមាណ៤០,០០០ដុល្លារអាមេរិក នៃចំនួនទឹកប្រាក់គោលដៅប្រមាណ៥៤,០០០ដុល្លារអាមេរិក៕
ប្រភព: reuters
សូមទស្សនារូបភាពនិងវីដេអូខាងក្រោម៖