កូនមួយរាងឡើងស្លីម! ទៀង មុំសុធាវី តែងខ្លួនឡើងសមសួនស្អាតប្លែក

ភ្នំពេញ៖ តារាចម្រៀងផងស្រីសម្លឫេងផ្អែមពីរោះអ្នកនាង ទៀង មុំសុធាវី បច្ចុប្បន្នកំពុងកសាងជីវិតគ្រួសារយ៉ាងមានសុភមង្គល បន្ទាប់ពីបង្កើតបានកូនប្រុសម្នាក់រួចមក។ ពិតណាស់ ស្របពេលសម្រាលកូនរួច គេឧស្សាហ៍ឃើញតារាស្រីស្រគតស្រគុំរូបនេះ បង្ហោះរូបភាពបង្ហាញនូវស្នាមញញឹមយ៉ាងមានសេចក្ដីសុខខ្លាំងតែម្ដង។

យ៉ាងណាមិញ គេដឹងផងដែរថាអ្នកនាង ទៀង មុំសុធាវី ជាតារាស្រីមួយរូបដែលមិនសូវឃើញស្លៀកពាក់ស៊ិចស៊ី ទោះបីស្លៀកសម្លៀកបំពាក់ស៊ីវិល័យទាន់សម័យយ៉ាងណាក្ដី។ មិនតែប៉ុណ្ណោះ រាល់ការតែងខ្លួនរបស់នាងតែងតែមានភាពលេចធ្លោ សមរម្យ និងថ្លៃថ្នូរតែម្ដង។ ម្យ៉ាងវិញទៀត ដោយសារនាងជាតារាសម្រៀងស្រី ដែលនិយមច្រៀងនូវបទចម្រៀងសំនៀងដើមផងដែរ។

ជាមួយគ្នានេះដែរ មុននេះអ្នកនាង ទៀង មុំសុធាវី បានបង្ហោះរូបភាពថ្មីជាច្រើនសន្លឹក ស្លៀកនូវឈុតសម្លៀកបំពាក់ប្រពៃណីខ្មែរ មើលទៅពិតជាសមសួនស្រស់ស្អាតប្លែកតែម្ដង។ លើសពីនេះទៅទៀត បើមើលទៅរូបរាង ឃើញថាស្លីមស្អាតខ្លាំង បើទោះបីនាងទើបតែសម្រាលបានកូនប្រុសមួយក៏ពិតមែន។ ក្នុងនោះដែរ ស្របពេលដែលតារាស្រីរូបនេះបង្ហោះរូបស្លៀកឈុតបែបខ្មែរ ក៏មានអ្នកលេងបណ្ដាញសង្គម និងហ្វេនជាច្រើម សរសើររូបសម្ផស្សនាងគ្រប់គ្នា៕

សូមទស្សនារូបភាពខាងក្រោម៖