កូនទើបតែបានប៉ុន្មានខែ ឈុំ វត្តី ដឹកដៃគ្រួសារលំហែកាយមាត់សមុទ្រ

កម្សាន្ត៖ តារាសម្ដែង និងពិធីការិនី អ្នកនាង ឈុំ វត្តី ទើបតែសម្រាលកូនបានជាង២ខែប៉ុណ្ណោះ ជាមួយគ្នានេះ បន្ទាប់ពីទទួលបានកូនស្រីរួចមក តារាស្រីរូបនេះ តែងតែបង្ហាញពីទំនាក់ទំនងជីវិតប្ដីប្រពន្ធនិងកូនជាទីស្រលាញ់នៅលើបណ្ដាញសង្គមជានិច្ច។  

ម្យ៉ាងវិញទៀត បច្ចុប្បន្នជីវិតស្វាមី ភរិយារបស់តារាស្រីរូបនេះ កាន់តែរឹងមាំ ស្អិតរមួតកាន់តែខ្លាំងឡើងៗ ជាពិសេស នាងតែងតែបង្ហាញពីសកម្មភាពស្វីតៗជាមួយស្វាមីជានិច្ច។ ដោយឡែក ថ្មីៗនេះ​ អ្នកនាង ឈុំ វត្តី ក៏បានដឹកដៃស្វាមីធ្វើដំណើរកម្សាន្ត ជួបជុំគ្រួសារជាបន្ទាប់ពីកូនស្រីបានជិត៣ខែផងដែរ។​  

ជាក់ស្ដែង មុននេះ​តារារូបនេះ បានបង្ហោះរូបភាពជាមួយស្វាមីនិងកូនស្រីជាថ្មី ពេលទៅលេងនៅឯសមុទ្រយ៉ាងសប្បាយរីករាយ ថែមទាំងបង្ហាញពីសកម្មភាពយ៉ាងផ្អែមល្ហែម ល្អូនល្អើនជាមួយគ្នាកាន់តែខ្លាំងជាងមុនគួរឲ្យកត់សម្កាល់ទៀតផងបើទោះបីជាមានកូនស្រីមួយហើយក្តី។

ហើយអ្វីដែលយើងសង្កេតឃើញនោះ តារាស្រីរូបនេះ បានស្លៀកនៅឈុតប៊ីគីនីបញ្ចេញរាងមួយទំហឹងនៅលើឆ្នេរខ្សាច់ មើលទៅពិតជាទាក់ទាញខ្លាំង ទោះបីជាបច្ចុប្បន្ននាងមានស្វាមីរួចមកហើយយ៉ាងណាក្តី៕

សូមទស្សនារូបភាពខាខងក្រោម៖