ញាក់ណាស់ Do Hanse លេងខ្លួនឡើងសាហាវធ្វើឲ្យហ្វេនផ្អើលពេញហ្នឹង

កម្សាន្ត៖ Do Hanse ដែលជាសមាជិកក្រុម VICTON ទើបតែទម្លាក់វីដេអូបទចម្រៀងទោលរបស់ខ្លួនថ្មីៗនេះដែលបានធ្វើឲ្យហ្វេនៗមានការចាប់អារម្មណ៍ជាខ្លាំងទៅលើការតុបតែងខ្លួនរបស់ Do Hanse។ ហ្វេនៗមានការភ្ញាក់ផ្អើលពេញបណ្ដាញសង្គមបន្ទាប់ពីឃើញរូបរាងថ្មីរបស់ Do Hanse លើកនេះប្លែកពីគេ។

តារារ៉េបរូបនេះ ត្រូវបានហ្វេនៗស្គាល់ថាជាតារា Kpop ម្នាក់ដែលមានភាពពិសេសខុសពីតារាដ៏ទៃ ព្រោះខ្លួនតែងតែធ្វើអ្វីដែលខ្លួនចូលចិត្តដូចជា មានសាក់នៅលើដងខ្លួន ចោះមាត់និងច្រមុះទៀតផង។ មិនត្រឹមតែប៉ុណ្ណោះ Do Hanse ជាតារាប្រុសម្នាក់ដែលពូកែលេងខ្លួន Fashion ទាន់សម័យ។

ថ្មីៗនេះ Do Hanse ទើបតែចេញអាល់ប៊ុមទោលជាលើកដំបូងរបស់ខ្លួននិងទម្លាក់វីដេអូចម្រៀងនៅក្នុង Youtube។ ហ្វេនៗមានការភ្ញាក់ផ្អើលនិងចាប់អារម្មណ៍ទៅលើបទចម្រៀងរបស់ Do Hanse ជាខ្លាំង ពីព្រោះពួកគេទើបតែឃើញលោកតែងប្លែកបែបនេះ។

លើសពីនោះ នៅក្នុងរីដេអូចម្រៀងនោះផងដែរ គេឃើញមានភាពទាក់ទាញជាច្រើនរួមបញ្ចូលគ្នា ដូចជាមាន Drag Queen និងអ្វីដែលទាក់ទាញជាងគេនោះ ស្ទាយ៍តែងខ្លួនរបស់ Do Hanse ផ្ទាល់ប្លែកនិងទេពកោសល្យរ៉េបដែលធ្វើឲ្យហ្វេនមិនសរសើរមិនបាន៕