ជប៉ុន៖ ភោជនីយដ្ឋានសាច់អាងមួយកន្លែង បានក្លាយទៅជាកន្លែងគួរឲ្យចាប់អារម្មណ៍មួយ ដោយសារតែគេប្រើប្រាស់រ៉ូបូតលើកអាហារឲ្យភ្ញៀវនិងប្រមូលចានជំនួសបុគ្គលិកមួយចំនួន ដែលជាការកាត់បន្ថយមនុស្សក្នុងភោជនីយដ្ឋាន ដើម្បីបង្ការការឆ្លងជំងឺកូវីដ-១៩។ ហើយភោជនីយដ្ឋាននេះដែរ កាលពីមុនធ្លាប់ជាផាប់សម្រាប់អង្គុយផឹកស្រាបែបជប៉ុនបុរាណ តែចាប់តាំងពីប្រទេសជប៉ុនហាមឃាត់ការលក់គ្រឿងស្រវឹងអំឡុងពេលកូវីដ-១៩មក ក៏ធ្វើឲ្យម្ចាស់ផាប់ជួបបញ្ហា និងកែច្នៃទៅជាភោជនីយដ្ឋានសាច់អាំងវិញតែម្ដង។

យោងតាមសម្ដីរបស់លោក Miki Watanabe ជា CEO ប្រចាំក្រុមហ៊ុន Watami បានឲ្យដឹងថា ចាប់តាំងពីជំងឺកូវីដ-១៩រាតត្បាតមក កន្លែងផឹកស៊ីជួបជុំមានការធ្លាក់ចុះ ដែលជំរុញឲ្យគាត់ខិតខំស្វែងរកវិធីដើម្បីលើកស្ទួយអាជីវកម្មឡើងវិញ ហើយគិតថាសាច់អាំង និងស៊ូស៊ីអាចជួយទាក់ទាញភ្ញៀវឲ្យចូលទទួលទាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ក្រុមហ៊ុន Watami កំពុងគ្រោងនឹងផ្លាស់ប្ដូរ៤០ភាគរយនៃផាប់ ទៅជាភោជនីយដ្ឋានសាច់អាំង នាខែមេសា​ ឆ្នាំ២០២២ខាងមុខនេះ បន្ទាប់ពីការបើកអាជីវកម្មត្រូវបានកាត់បន្ថយម៉ោង និងការលក់បានធ្លាក់ចុះរហូតដល់ទៅជាង៨០ភាគរយ។

យ៉ាងណាមិញ ខណៈប្រទេសជប៉ុនកំពុងរៀបចំបោះឆ្នោតជ្រើសរើសមេដឹកនាំថ្មី លោក Miki ក៏បានស្នើដល់នាយករដ្ឋមន្ត្រីបន្ទាប់របស់ប្រទេស ផ្ដល់សំណងសមរម្យជាងមុនដល់ភោជនីយដ្ឋានដែលរងផលប៉ះពាល់ដោយការរីករាលដាលនៃជំងឺកូវីដ-១៩ផងដែរ៕

ប្រភព: South China Morning Post / 6do.news

សូមទស្សនារូបភាពនិងវីដេអូខាងក្រោម៖

រូបភាព
រូបភាព
រូបភាព
រូបភាព
រូបភាព
រូបភាព
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]