យល់ដឹង៖ មនុស្សភាគច្រើន តែងតែយល់ថាមនុស្សស្រី ជាប្រភេទមនុស្សដែលទន់ខ្សោយ ធ្វើអ្វីក៏មិនកើត​ ទាល់តែមានមនុស្សចាំជួយពីក្រោយ ប៉ុន្តែទាំងនោះ វាមិនមែនជាការពិតទាំងស្រុងនោះទេ បើទោះបីជាមនុស្សស្រី មានកម្លាំងខ្សោយ ជាងមនុស្សប្រុសក៏ពិតមែន តែសមត្ថភាព អាចពូកែជាងមនុស្សប្រុស ទៀតផង។

ដូច្នេះហើយ មនុស្សស្រីអាចជាមនុស្សទន់ខ្សោយខាងកម្លាំងក៏ពិតមែន តែបើនិយាយពីសមត្ថភាព គឺមិនអន់នោះទេ ម្យ៉ាងវិញទៀត សញ្ញាដូចដែលបានរៀបរាប់នៅខាងក្រោមនេះ គឺអាចបញ្ជាក់បាន ពីសមត្ថភាពពូកែ ក៏ដូចជាភាពឯករាជ្យជាខ្លាំង របស់មនុស្សស្រី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សញ្ញាទាំងនេះ បង្ហាញថាអ្នកជាមនុស្សស្រីដែលឯករាជ្យខ្លាំង៖

១. មិនផ្ញើក្តីសុខខ្លួនឯង ទៅនឹងនរណាម្នាក់

រូបតំណាង

សញ្ញាដែលអាចបង្ហាញថាអ្នក ជាមនុស្សស្រីម្នាក់ ដែលមានភាពឯករាជ្យខ្លាំងនោះ គឺនៅពេលដែលអ្នក មិនផ្ញើសេចក្តីសុខខ្លួនឯង ទៅនឹងនរណាម្នាក់ ព្រោះមនុស្សស្រីដែលឯករាជ្យ ភាគច្រើនពួកគេតែងតែយល់ថា សេចក្តីសុខពិតប្រាកដ មិនមែនបានមកពីអ្នកដទៃទេ តែវាបានមកពីខ្លួនឯងទៅវិញទេ ដូច្នេះហើយ ទើបបានជាមនុស្សស្រីដែលឯករាជ្យខ្លាំង មិនដែលផ្ញើក្តីសុខខ្លួនឯង ទៅនឹងនរណាម្នាក់ឡើយ។

២. មិនភ័យខ្លាចក្នុងការនៅម្នាក់ឯង

រូបតំណាង

ជាធម្មតាចំពោះមនុស្សស្រីភាគច្រើន គឺមិនចូលចិត្តចំណាយពេលវេលានៅតែម្នាក់ឯងទេ ព្រោះវាធ្វើឱ្យអារម្មណ៍របស់ពួកគេ ខ្លាចនឹងភាពឯកា តែខុសពីមនុស្សស្រីដែលឯករាជ្យខ្លាំង គឺពួកគេមិនខ្លាចនឹងការនៅម្នាក់ឯងឡើយ តែផ្ទុយទៅវិញ គឺពួកគេមានតែអារម្មណ៍ល្អទៅវិញទេ ដោយសារតែមនុស្សស្រីឯករាជ្យ ពួកគេមិនត្រូវការនរណាម្នាក់ មកនៅក្បែរឡើយ ដូច្នេះហើយ បើអ្នកមាននូវសញ្ញានេះ បានន័យថាអ្នក គឺជាមនុស្សស្រីម្នាក់ ដែលឯករាជ្យខ្លាំងហើយ។

៣. ចេះគ្រប់គ្រងប្រាក់ចំណូលខ្លួនឯងបានយ៉ាងល្អ

រូបតំណាង

ការគ្រប់គ្រងប្រាក់ចំណូលឱ្យបានល្អ វាគឺជារឿងដែលសំខាន់ខ្លាំងណាស់ ព្រោះប្រសិនបើការគ្រប់គ្រងប្រាក់ចំណូលមិនបានល្អ វាក៏ជះឥទ្ធិពលអាក្រក់ មកដល់ជីវិតរស់នៅប្រចាំថ្ងៃដែរ អញ្ចឹងហើយ គឺមានតែមនុស្សស្រីដែលឯករាជ្យខ្លាំងទេ ទើបគេចេះគ្រប់គ្រងប្រាក់ចំណូលខ្លួនឯងបានយ៉ាងល្អ អញ្ចឹងហើយ​ បើអ្នកជាមនុស្សស្រីដែលចេះគ្រប់គ្រងប្រាក់ចំណូលខ្លួនឯង បានយ៉ាងល្អហើយនោះ វាអាចបញ្ជាក់បានហើយថា អ្នកជាមនុស្សស្រីម្នាក់ដែលឯករាជ្យខ្លាំង។

៤. មានគោលដៅ និងផែនការជីវិតច្បាស់លាស់

រូបតំណាង

ប្រសិនបើអ្នករាល់គ្នា ជាមនុស្សស្រីម្នាក់ដែលមានគោលដៅ និងផែនការជីវិតច្បាស់លាស់ ហើយតែងតែដើរតាមវាជានិច្ចទៀតនោះ វាគឺជាសញ្ញាមួយ ដែលបង្ហាញថាអ្នកជាមនុស្សស្រីម្នាក់ ដែលឯករាជ្យខ្លាំងជាទីបំផុត ព្រោះថាអ្នកអាចកំណត់គោលដៅ និងផែនការជីវិតបានដោយខ្លួនឯង​ ដោយមិនចាំបាច់មាននរណាម្នាក់ មកណែនាំ ឬតម្រង់ទិសអ្នកនោះទេ៕

ប្រភព៖: projecthotmess

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]