យល់ដឹង៖ មនុស្សស្រីក្រោយពេលដែលរៀបការហើយ គឺតែងតែមានការផ្លាស់ប្តូជានិច្ច គ្រាន់តែមួយផ្លាស់ប្តូដោយសារតែបាន រស់នៅពោរពេញទៅដោយសេចក្តីសុខ និងមួយវិញទៀត ផ្លាស់ប្តូដោយសារតែរស់នៅដោយគ្មានក្តីសុខ ដែលទាំងពីរនេះហើយ ទើបធ្វើឱ្យមនុស្សស្រីតែងតែមានការផ្លាស់ប្តូ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះហើយ ដើម្បីចង់ដឹងថាមនុស្សស្រីម្នាក់ ក្រោយពេលដែលរៀបការហើយ ជីវិតរបស់ពួកគេជួបតែសេចក្តីសុខ ឬក៏អត់នោះ គឺយើងអាចសង្កេតមើលទៅលើចំណុចមួយចំនួន ដូចដែលបានរៀបរាប់នៅខាងក្រោមនេះបាន នោះយើងនឹងបានដឹងហើយថា ក្រោយពេលដែលរៀបការហើយ មនុស្សស្រីរស់នៅបានសុខឬក៏អត់។
ចង់ដឹងថាមនុស្សស្រីរស់នៅមានក្តីសុខឬអត់ ក្រោយពេលរៀបការហើយ គួរតែសង្កេតមើលលើចំណុចទាំងនេះ៖
១. សម្រស់
ក្រោយពេលដែលរៀបការហើយ អ្វីដែលអាចសង្កេតមើលដឹងថាមនុស្សស្រី អាចរស់នៅមានសេចក្តីសុខឬក៏អត់នោះ គឺអាចមើលទៅលើសម្រស់របស់មនុស្សស្រីបាន ព្រោះថាចំពោះមនុស្សស្រី ប្រសិនបើពួកគេពិបាកចិត្ត និងកើតទុក្ខនោះ គឺពួកគេក៏មិនសូវខ្វាយខ្វល់ និងយកចិត្តទុកដាក់ជាមួយនឹងសម្រស់ពួកគេនោះទេ ដូច្នេះហើយ គឺយើងអាចមើលដឹងថា មនុស្សស្រីមានក្តីសុខឬក៏អត់នោះ គឺស្ថិតនៅលើសម្រស់របស់ពួកគេ។
២. ការតុបតែងខ្លួន
ប្រសិនបើចង់ដឹងថា មនុស្សស្រីអាចរស់នៅបានសុខស្រួល ក្រោយពេលដែលរៀបការហើយ និងត្រូវបានប្តីស្រលាញ់ ថ្នាក់ថ្នមបានយ៉ាងល្អឬក៏អត់នោះ គឺអាចសង្កេតមើលលើការតុបតែងខ្លួនរបស់ពួកគេបាន ព្រោះមនុស្សស្រីដែលមានក្តីសុខ គឺតែងតែមានការតុបតែងខ្លួន ឱ្យមានភាពស្រស់ស្អាតជានិច្ច ដោយសារតែការតុបតែងខ្លួន វាក៏អាចបង្ហាញពីអារម្មណ៍របស់មនុស្សស្រី ដែលបានរស់នៅពោរពេញដោយមានសេចក្តីសុខ ឬក៏អត់ដែរ។
៣. អារម្មណ៍
មនុស្សស្រីក្រោយពេលដែលរៀបការហើយ មានសេចក្តីសុខឬក៏អត់នោះ គឺអាចសង្កេតមើលលើអារម្មណ៍របស់ពួកគេបាន ព្រោះប្រសិនបើមនុស្សស្រី មានអារម្មណ៍ឆាប់ឆេវឆាវ និងអារម្មណ៍មិនល្អរហូតនោះ វាក៏ជាសញ្ញាដែលបង្ហាញថា មនុស្សស្រីមិនបានរស់នៅ ដោយមានសេចក្តីសុខដែរ។ ប៉ុន្តបើមនុស្សស្រី តែងតែមានអារម្មណ៍ល្អ និងតែងតែសប្បាយរីករាយនោះ វាក៏ជាអ្វីដែលបង្ហាញឱ្យដឹងថាមនុស្សស្រី គឺពិតជាបានរស់នៅយ៉ាងមានសេចក្តីសុខជាខ្លាំង ក្រោយពេលដែលរៀបការហើយ៕
ប្រភព៖ womenshealthmag