Haters ទើសទៀត! ធ្លាប់ជាស្រីស្អាតលំដាប់ តែសម្រស់ Selena កាន់តែដុនដាប តាំងពីឡើងគីឡូ

បរទេស៖ កាលពីពេលថ្មីៗនេះសារព័ត៌មាន Daily Mail បានចុះផ្សាយនូវរូបថតជាច្រើនសន្លឹករបស់តារាចម្រៀង Selena Gomez នៅពេលទទួលទានអាហារថ្ងៃត្រង់ជាមួយមិត្តភក្តិនៅភោជនីយដ្ឋានមួយក្នុងទីក្រុង Los Angeles ។

តួយ៉ាងក្នុងរូបភាពទាំងនោះ តារាចម្រៀងរូបនេះបានចំណាយពេលចុងសប្តាហ៍ញ៉ាំអាហារ និងជជែកជាមួយមិត្តភក្តិបន្ទាប់ពីមមាញឹកក្នុងការផ្សព្វផ្សាយរឿងរបស់នាងបានថត ដែលបានចូលរួមសម្តែងកាលពីថ្មីៗនេះ។

អ្វីដែលគួរឱ្យកត់សម្គាល់ដែរ សម្រស់ដ៏ល្បីល្បាញ ដែលធ្លាប់ជាទេពធីតានៃសម្រស់ របស់ហូលីវូដ បានបង្កឲ្យមានការភ្ញាក់ផ្អើលជាថ្មីម្តងទៀត ជាមួយនឹងការឡើងទម្ងន់ដែលមិនធ្លាប់មានពីមុនមក។ នាងបានបង្ហាញខ្លួនជាមួយនឹងខោអាវរលុងៗបែបសាមញ្ញ គួបផ្សំទៅនឹងមុខទទេ គ្មានការផាត់មុខសូម្បីតែបន្តិច។

ទៀតសោត រូបរាងដ៏គួរឱ្យភ្ញាក់ផ្អើលនិងមុខមូលហើមបែបនេះ របស់ម្ចាស់បទ «Lose You To Love Me» បានធ្វើឲ្យអ្នកនិយមលេងអ៉ីនធឺណែតមានការភ្ញាក់ផ្អើលជាខ្លាំង ជាពិសេសនោះ រូបនាងមិនស្ទាក់ស្ទើរ ក្នុងការពាក់អាវខ្លីខើត បង្ហាញចង្កេះធំគួរសម នៃការឡើងគីឡូរបស់នាងឡើយ។

ប៉ុន្តែវាជាការពិតដែលថាបើទោះបីជានាងមានរាងស្លីមស្អាត ឬក៏ឡើងទម្ងន់បែបនេះ និងបង្ហាញពីចំណុចខ្វះខាតរាប់សិបក៏ដោយ តារាស្រីវ័យ ២៩ឆ្នាំរូបនេះ នៅតែត្រូវបានអ្នកគាំទ្រជាច្រើនកោតសរសើរចំពោះមុខមាត់ស្អាតនិងលក្ខណៈធម្មជាតិលេចធ្លោ បើទោះបីជាមុខរបស់នាងសភាពរាងមានសាច់ តែមើលទៅ ម៉ាប់ៗ ឃ្យូតៗ គួរឲ្យគ្រឺតតែម្តង៕

ប្រភព៖ https://kenh14.vn/

សូមទស្សនារូបភាពខាងក្រោម៖