អ្នកជំនាញចេញបកស្រាយ ពីបាតុភូតពន្លឺរន្ទះពណ៌ខៀវដ៏ចម្លែក រត់ឆ្វាចពេញផ្ទៃមេឃ ចំពេលមានគ្រោះរញ្ជួយដី នៅមិកស៊ិកូ

//s9.kh1.co/a2/a2543eae764e05ec096d91fe59ee3e97405780e3.jpg
សង្គម

 ១០-កញ្ញា-២០២១ ១០ព្រឹក · ៣ ឆ្នាំមុន

បាតុភូតនេះត្រូវបានគេហៅថាពន្លឺគ្រោះរញ្ជួយដី ដែលត្រូវបានគេកត់ត្រាជាប្រវត្តិសាស្ត្រ និងកើតឡើងជារឿយៗ។

មិកស៊ិក៖ ជនជាតិម៉ិកស៊ិកបានចែករំលែកវីដេអូនៃពន្លឺពណ៌ខៀវដ៏ចម្លែក ដែលត្រូវបានគេមើលឃើញពាសពេញផ្ទៃមេឃ ខណៈពេលដែលការរញ្ជួយដីដ៏ខ្លាំងបានវាយប្រហារ មកលើទីក្រុង Acapulco កាលពីថ្ងៃពុធ។ គ្រោះរញ្ជួយដីកម្រិត៧.០រ៉ិចទ័របានសម្លាប់មនុស្សយ៉ាងហោចណាស់មួយនាក់ ហើយអាគារជាច្រើនត្រូវបានខូចខាត និងផ្ទាំងថ្មបានរអិលធ្លាក់ បាំងលើផ្លូវហាយវ៉េដ៏ធំមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការរញ្ជួយដីនេះអាចទទួលអារម្មណ៍ទៅដល់ទីក្រុងម៉ិកស៊ិកដែលមានចម្ងាយប្រហែល៣២១គីឡូម៉ែត្រ ហើយមានរយៈពេលជិតមួយនាទី។ ប្រជាជនក្នុងតំបន់បានរត់គេចខ្លួន នៅតាមដងផ្លូវ ខណៈអាគារបានយោលរង្គើ ផ្លូវដើរញ័រដូចទឹករលក និងពន្លឺភ្លើងពណ៌ខៀវបានលេចឡើងនៅលើផ្ទៃមេឃ។

រូបវិទូ Troy Shinbrot មកពីសាកលវិទ្យាល័យ Rutgers University បាននិយាយថា កុំបារម្ភអី ភ្លើងពណ៌ខៀវនេះមិនមែនជាសញ្ញាបង្ហាញថាពិភពលោកនឹងឈានដល់ទីបញ្ចប់នោះទេ។ លោក Shinbrot និយាយថា៖ «ប្រសិនបើវាកើតឡើងមែន នោះថ្ងៃអវសានរបស់ពិភពលោកគួរតែកើតមានរាប់ពាន់ឆ្នាំមុនមកម្ល៉េះ នៅពេលដែលបាតុភូតនេះត្រូវបានគេរកឃើញដំបូង។»

លោក Shinbrot បានបន្ថែមទៀតថា បាតុភូតនេះត្រូវបានគេហៅថាពន្លឺគ្រោះរញ្ជួយដី ដែលត្រូវបានគេកត់ត្រាជាប្រវត្តិសាស្ត្រ និងកើតឡើងជារឿយៗ។ អ្នកវិទ្យាសាស្ត្រខ្លះជឿថា ការរញ្ជួយនៃពន្លឺគឺកើតឡើងដោយសារការកកិតនៃថ្មនៅជិតសម្បកផែនដី ដែលបញ្ចេញថាមពលទៅក្នុងបរិយាកាស។ ផ្លេកបន្ទោរត្រូវបានកើតឡើង នៅជិតផ្ទៃផែនដី៕

រូបភាព
រូបភាព
វីដេអូ
Chhen Hangly
H.L

អត្ថបទទាក់ទង

//s9.kh1.co/c0/c0775fdde67a0c3b2c616c6bc33e23f179bbf1a4.png

នាឱកាសបុណ្យចូលឆ្នាំខ្មែរខាងមុខ រដ្ឋបាលរាជធានីភ្នំពេញ នឹងដាក់ឱ្យប្រើប្រាស់ ជាបណ្តោះអាសន្នស្ពានអាកាស «មរតកតេជោ» ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ

 ២៩-មីនា-២០២៤ 
 ១០ព្រឹក · ៤ ម៉ោងមុន
//s9.kh1.co/69/6979169246f2271453d368556b205bb61a6118e7.png

ត្រៀមខ្លួនចូលរួមសប្បាយកម្សាន្តជាមួយ «សង្ក្រាន្តវត្តភ្នំ » នៅរមណីយដ្ឋានប្រវត្តិសាស្រ្តវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤

 ២៩-មីនា-២០២៤ 
 ៩ព្រឹក · ៥ ម៉ោងមុន
រក្សាសិទ្ធិ Mediaload
Powered by Bong I.T Bong I.T