បុរសរូបនេះ ថាពាក់ត្រឡោកដូង ស្រួលជាងពាក់ម៉ាស់ធម្មតា មានអីត្រូវគេពិន័យ (មានវីដេអូ)

ឥណ្ឌូណេស៊ី៖ កាលពីថ្មីៗនេះ បុរសម្នាក់ឈ្មោះថា Nengah Budiasa អាយុ៤៤ឆ្នាំ មកពីកោះបាលី ក្នុងប្រទេសឥណ្ឌូណេស៊ី បានយកត្រឡោកដូង ទៅកែច្នៃធ្វើជាម៉ាស់សម្រាប់ពាក់ ដែលគាត់យល់ថា វាពាក់ទៅមានភាពងាយស្រួលជាងពាក់ម៉ាស់ធម្មតា។

តួយ៉ាង គាត់បានឲ្យដឹងថា គាត់ត្រូវប្រើការផ្លុំកញ្ចែ នៅពេលបំពេញភារកិច្ច និងពិបាកយ៉ាងខ្លាំងក្នុងការពាក់ម៉ាស់ធម្មតា។ ហើយកាលពីមុនគាត់ក៏ធ្លាប់ពាក់ម៉ាស់ធម្មតាដែរ តែវាកខ្វក់យ៉ាងឆាប់រហ័ស ដូច្នេះគាត់ក៏ពាក់ត្រឡោកដូងវិញ ដែលមានប្រឡោះសម្រាប់ផ្លុំកញ្ចែ និងជួយធ្វើឲ្យគាត់និយាយកាន់តែច្បាស់ផងដែរ។ បន្ថែមពីនេះទៀត គាត់មិនមានការភ័យខ្លាចចំពោះសុខភាពទេ បើទោះជាស្ថិតក្នុងអំឡុងពេលជំងឺកូវីដ-១៩រាតត្បាតក៏ដោយ។

យ៉ាងណាមិញ គាត់ត្រូវបានឃាត់ខ្លួនដោយមន្ត្រីមកពីទីភ្នាក់ងារសណ្ដាប់ធ្នាបសាធារណៈ ដែលបានធ្វើការណែនាំថា ត្រឡោកដូងមិនអាចបំពេញតាមតម្រូវការស្ដង់ដារសម្រាប់ការការពារពីជំងឺកូវីដ-១៩ទេ និងផ្ដល់ជូននូវម៉ាស់ពាក់ការពារដ៏ត្រឹមត្រូវទៅដល់គាត់ ហើយចំពោះការពិន័យ គាត់ត្រូវបានគេឲ្យអាវ៉ង់ផងដែរ៕

ប្រភព: Mothership

សូមទស្សនារូបភាពខាងក្រោម៖