គិតថាដូចឬអត់? តារាខ្មែរទាំងនេះ ធ្លាប់បានហ្វេនៗនាំគ្នាថា មានមុខមាត់ស្រដៀងតារាបរទេស

តារាកម្សាន្ត៖ តារាចម្រៀង និងតារាសម្ដែងដ៏ល្បីនៅក្នុងសង្គមសិល្បៈខ្មែរយើង ប៉ុន្មាននាក់ខាងក្រោមនេះ បច្ចុប្បន្ន អាចនិយាយបានថា ពួកគេសុទ្ធតែជាតារាដែលកំពុងទទួលបានការគាំទ្រច្រើនពីសំណាក់មហាជន ក៏ដូចជាហ្វេនរបស់ពួកគេ ដោយសារតែម្នាក់ៗសុទ្ធសឹងតែមានសមត្ថភាពពូកែៗ ទេពកោសល្យសិល្បៈពេញខ្លួនគួរឲ្យសរសើរតែម្ដង។

ក្នុងនោះទៀតសោត បើនិយាយពីរូបសម្បត្ តិនិងរូបសម្រស់របស់តារាស្រីប្រុសទាំងនេះ យើងឃើញថា កន្លងមកនៅពេលដែលពួកគេបង្ហាញខ្លួនម្ដងៗ សម្រាប់ការតែងខ្លួនរបស់ពួកគេ គឺស្អាតៗមិនចាញ់តារាបរទេសប៉ុន្មាននោះឡើយ។ ជាពិសេស អ្នកនិយមលេងបណ្ដាញសង្គមមួយចំនួន ថែមទាំងពោលសរសើរថា ពួកគេមានមុខមាត់ស្អាត និងស្រដៀងទៅនឹងតារានៅឯប្រទេសក្រៅថែមទៀតផងដែរ៕

ចង់ដឹងថា មានតារាណាខ្លះ? ទស្សនារូបភាពខាងក្រោម៖

១.ល្អហួស

តារាស្រីវ័យក្មេងរូបនេះ នាងមានទាំងសម្រស់ស្រស់ស្អាត និងទេពកោសល្យចច្រើនប្រភេទណាស់ ហើយនាងថែមទាំងត្រូវបានគេប្រៀបធៀបមុខមាត់ដូចទៅនឹងតារាសម្ដែងថៃ Yaya Urassaya ។

២.ស៊ូឈីន

ស៊ូឈីន ជាតារាសម្ដែងមានសម្រស់ស្រស់ស្អាត ភ្នែកតឹងៗដូចតួកូរ៉េយ៉ាងដូច្នោះ ហើយបើមើលយូរៗទៅ មុខមាត់នាងក៏ស្រដៀងទៅនឹងតារាចម្រៀងកូរ៉េ Yeji សមាជិកក្រុម ITZY។

៣.STEP

តារាចម្រៀងប្រុសភ្នែកតឹងៗរូបនេះ ក៏ត្រូវបានគេប្រដូចថាមានមុខមាត់ស្រដៀងទៅនឹងតារាចម្រៀងកូរ៉េផងដែរ គឺលោក Rain ឬគ្រប់គ្នាស្គាល់ថា លីយ៉ុងជេ។

៤.ជី ដេវីត

តារាចម្រៀងរ៉េបលឿនដូចម៉ាស៊ីនដេរូបនេះ កាលពីពេលថ្មីៗនេះ ក៏ត្រូវបានហ្វេននិយាយថា លោកមានមុខមាត់ដូចទៅនឹង អតីតសមាជិកក្រុម EXO លោក Kris Wu ផងដែរ។

៥.ពេជ្រ សោភា

តារាចម្រៀងចាស់វស្សារូបនេះ បើមើលទៅស្ទាយ៍ និងការតែងខ្លួនរបស់នាងនាពេលកន្លងមក ហ្វេនៗក៏ធ្លាប់និយាយថា នាងមានមុខមាត់ស្រដៀងទៅនឹងតារាចម្រៀង Jennifer Lopez។