តាកែវ៖ នាពេលថ្មីៗនេះ អាជ្ញាធរស្រុកបាទី នឹងចេញវិធានការផាកពិន័យម្នាក់ មួយលានរៀលចំពោះអ្នកដែលទៅកំសាន្តនៅទឹករណ្តៅថ្មភ្នំចំបាប់ ស្រុកបាទី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក យោងតាមរដ្ឋបាលស្រុកបាទីឱ្យដឹងថា លោក ភួន ឈីម អភិបាលនៃគណៈអភិបាលស្រុកបាទី ជាប្រធានគណៈបញ្ជាការឯកភាពស្រុក បានដឹកនាំ កម្លាំងគណៈបញ្ជាការឯកភាពរដ្ឋបាលស្រុក ឃុំ ចុះអនុវត្តវិធានការរដ្ឋបាល ប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ១៩ និងផាកពិន័យចំពោះ អ្នកមកកំសាន្តនៅទឹករណ្តៅថ្មភ្នំចំបាប់ ស្ថិតនៅភូមិត្នោត ឃុំត្នោត ស្រុកបាទី មិនគោរពបម្រាមគោចរ របស់អាជ្ញាធរ ពិន័យជាអន្តរកាលណ៍នូវទឹកប្រាក់ម្នាក់ ១.០០០.០០០រៀល(មួយលានរៀលគត់)។
អាស្រ័យហេតុនេះ សូមបងប្អូនទាំងអស់គ្នាបានជ្រាបជាព័ត៍មាន និងគោរពច្បាប់រដ្ឋបាល ក្នុងស្ថានការណ៍កូវីដ១៩នេះផងដែរ៕
សូមចូលទស្សនារូបភាពខាងក្រោម៖