ភ្នំពេញ៖ កាលពីពេលថ្មីៗនេះដោយមានការសង្ស័យ និងជាប់ពាក់ព័ន្ធការឆ្លងកូវីដ១៩ បុគ្គលិកក្រុមហ៊ុន អាណាណា កុំព្យូទ័រ ចំនួន ២១នាក់ បានធ្វើតេស្តរកមេរោគកូវីដ១៩ ចំនួន ២១នាក់ ប៉ុន្តែអវិជ្ជមានទាំងអស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក នៅព្រឹកថ្ងៃចន្ទ ទី០៩ ខែសីហា លោក ម៉ុក ច័ន្ទករុណា អភិបាលរង នៃគណៈអភិបាលខណ្ឌដូនពេញ បានដឹកនាំក្រុមការងាចម្រុះខណ្ឌ ចុះសម្របសម្រួលជូនក្រុមគ្រូពេទ្យសម្តេចតេជោ យកសំណាកលើកទី១ បុគ្គលិកក្រុមហ៊ុន អាណាណា កុំព្យូទ័រ ( Anana ) ចំនួនសរុប ២១នាក់ ( ស្រី ០៦នាក់ ) ស្ថិតនៅមហាវិថីព្រះនរោត្តម ភូមិ២ សង្កាត់បឹងរាំង ខណ្ឌដូនពេញ ។
ជាលទ្ធផល បុគ្គលិកទាំង២១នាក់ អវិជ្ជមានទាំងអស់ ប៉ុន្តែទោះបីជាយ៉ាងណា ក៏ដោយក្រុមគ្រូពេទ្យ ក៏បានយកសំណាកបុគ្គលិកទាំង២១នាក់ ទៅធ្វើតេស្តបន្តជាមួយម៉ាសុីន PCR បន្ថែមទៀតផងដែរ ។
អាស្រ័យហេតុនេះសូមបងប្អូនទាំងអស់គ្នាបន្ថែមការប្រុងប្រយ័ត្ន និងកុំធ្វេសប្រហែសចំពោះវីរុសនេះជាដាច់ខាត៕
សូមចូលទស្សនារូបភាពខាងក្រោម៖