កូរ៉េខាងត្បូង៖ តារាសម្តែងដ៏ល្បីរបស់ប្រទេសកូរ៉េ លោក Ji Chang Wook ដែលមហាជន និងអ្នកគាំទ្រកម្ពុជា ស្គាល់តាមរយៈឈ្មោះ ដុងហេ នៅក្នុងរឿងភាគកូរ៉េជាច្រើន ដែលបានចាក់បញ្ចាំងនៅលើស្ថានីយ៍ MYTV។ នៅពេលនេះ ដុងហេ ត្រូវបានតេស្តវិជ្ជមានកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមសារព័ត៍មានរបស់កូរ៉េ នៅថ្ងៃទី២៦ ខែកក្កដានេះ បានឱ្យដឹងថា តារាសម្តែងរូបសង្ហារូបនេះ បានដាក់ខ្លួនធ្វើចត្តាឡីស័កដាច់ដោយឡែក ក្រោយរូបលោកតេស្តរកឃើញវិជ្ជមានកូវីដ១៩។ លោកត្រូវបានរកកូវីដ១៩ កាលពីចុងសប្តាហ៍នេះ ហើយបានទទួលលទ្ធផលវិជ្ជមាននៅថ្ងៃទី២៦នេះ តែម្តង។
សូមជម្រាបថា តារាសម្តែងរូបនេះ កំពុងតែមមាញឹកថតខ្សែភាពយន្តថ្មីមួយមានចំណងជើងថា Annarasumanara ខណៈនេះ បុគ្គលិក និងសមាជិកដែលពាក់ព័ន្ធ ក៏ត្រូវបានតេស្តដើម្បីរកមេរោគកូវីដ១៩ផងដែរ។ ចំណែកឯ ដំណើរការថតភាពយន្តរបស់លោក ក៏ត្រូវបានផ្អាកផងដែរ រហូតដល់មានការជូនដំណឹងជាថ្មី៕
ប្រភព៖ Allkpop