ទប់លែងជាប់! កន្លែងបូជាសពអ្នកកើតកូវីដមួយនៅថៃ ត្រូវបានកម្ទេច ក្រោយពេល...

ថៃ: មួយរយ:ពេលចុងក្រោយនេះ ដោយសារតែការកើនឡើងយ៉ាងឆាប់រហ័សនៅចំនួនករណីអ្នកឆ្លងកូវីដថ្មីនៅប្រទេសថៃ តម្រូវការនៃការកើនឡើងនូវទីតាំងបូជាសពក៏មានការកើនឡើង ខណ:ទីវត្តអារាម ព្រមទាំងទីតាំងបូជាសពខ្លះកំពុងសកម្មខ្លាំង ស្របពេលអាត្រានៃអ្នកឆ្លងកូវីដ១៩នៅប្រទេសថៃមានការកើនឡើងខ្ពស់។

យ៉ាងណាមិញ ទីតាំងបូជាសពមួយកន្លែង ត្រូវបានអាជ្ញាធរថៃបញ្ជាឲ្យកម្ទេចចោល និងរៀបចំឲ្យមានការស្ថាបនាជាថ្មី ក្រោយពេលតម្រូវការនៃការកើនឡើងទីដុតខ្មោចអ្នកស្លាប់ដោយសារកូវីដ គួបផ្សំនឹងទីតាំងបូជាសពនេះត្រូវបានខូចខាតដោយសារតែការបូជាសពច្រើនពេក។

សូមរំលឹកផងដែរថាគិតមកត្រឹមព្រឹកម៉ោង៩:០០នាទី ថ្ងៃទី២៤ ខែកក្កដាឆ្នាំ ២០២១នេះ ចំនួនករណីឆ្លងសរុបនៅប្រទេសថៃបានកើនឡើងរហូតដល់៤៦៧៧០៧ករណី ដោយនៅក្នុងនោះមានករណីឆ្លងថ្មីចំនួន១៤៥៧៥នាក់ ស្របពេលដែលទិន្នន័យនៃអ្នកស្លាប់សរុបកើនឡើងរហូតដល់ទៅ៣៨១១នាក់៕