បរទេស៖ គ្រប់ក្លិបកំពូលៗទាំងអស់នៅតំបន់អឺរ៉ុបតែងតែមានកីឡាករដែលលេចធ្លោម្នាក់ប្រចាំក្លិបរបស់ពួកគេ ហើយកីឡាកររូបនោះនឹងអាចជួយផ្លាស់ប្តូរចលនារបស់ក្រុមនៅក្នុងការប្រកួតបានស្ទើរតែគ្រប់វិនាទី។ បច្ចុប្បន្នមានកីឡាករឆ្នើមៗជាច្រើនដែលកំពុងប្រកបអាជីពនៅក្លិបយក្សក្នុងតំបន់អឺរ៉ុប, ប៉ុន្តែក្នុងនោះក៏មានកីឡាករមិនច្រើនដែរ ដែលអាចបង្ហាញភាពលេចធ្លោតាមរយៈសមត្ថភាពរបស់ពួកគេឱ្យបានគ្រប់រដូវកាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងអត្ថបទនេះពួកយើងនឹងនាំប្រិយមិត្តឱ្យបានស្គាល់កីឡាករឆ្នើមចំនួន ៥ រូបដែលធ្លាប់ជាប់ឈ្មោះជាកីឡាករល្អបំផុតប្រចាំការប្រកួត (Man of the Match) បានច្រើនជាងគេ នៅក្នុងលីគកំពូលរបស់ អឺរ៉ុប រាប់ចាប់ពីរដូវកាល ២០០៩-២០១០ មក៖
៥. Alejandro Gomez៖ ខ្សែបម្រើវ័យ ៣៣ ឆ្នាំរូបនេះធ្លាបជាប់ជាកីឡាករល្អបំផុតប្រចាំការប្រកួតបានចំនួន ៣៨ លើកជាមួយក្រុម Atalanta នៃក្របខណ្ឌ Serie A។
៤. Zlatan Ibrahimovic៖ ខ្សែប្រយុទ្ធរូបនេះធ្លាប់ជាប់ជាកីឡាករល្អបំផុតប្រចាំការប្រកួតបានចំនួន ៤២ លើក ជាមួយក្លិប Paris Saint-Germain នៃក្របខណ្ឌ Ligue 1។
៣. Marco Reus៖ កីឡាករវ័យ ៣២ ឆ្នាំរូបនេះធ្លាប់ជាប់ជាកីឡាករល្អបំផុតប្រចាំការប្រកួតបានចំនួន ៤៨ លើកសម្រាប់ការប្រកបអាជីពនៅលីគ Bundesliga របស់ប្រទេស អាល្លឺម៉ង់។
២. Eden Hazard៖ ខ្សែប្រយុទ្ធស្លាបរូបនេះធ្លាប់ជាប់ជាកីឡាករល្អបំផុតប្រចាំការប្រកួតបានចំនួន ៦២ លើកសម្រាប់ការប្រកបអាជីពនៅ Premier League របស់អង់គ្លេស។
១. Lionel Messi៖ ខ្សែប្រយុទ្ធវ័យ ៣៤ ឆ្នាំរូបនេះធ្លាប់ជាប់ជាកីឡាករល្អបំផុតប្រចាំការប្រកួតបានរហូតដល់ទៅ ២២២ លើកឯណោះ សម្រាប់ការលេងជាមួយក្រុម Barcelona នៃក្របខណ្ឌ La Liga របស់ប្រទេសអេស្ប៉ាញ៕
ប្រភព៖ 90min