ទឹកចិត្តស្នេហាជាតិ! ក្រោយប្រទេសជាតិជួបគ្រោះទឹកជំនន់ Jackson Wang ឧបត្ថម្ភលុយខោប៉ៅផ្ទាល់ខ្លួនដល់ទៅ...

ចិន: កាលពីពេលថ្មីៗកន្លងទៅនេះ ប្រទេសមហាអំណាចយក្សមួយនេះ បានជួបគ្រោះមហន្តរាយធម្មជាតិ ដែលបានធ្វើឲ្យតំបន់មួយចំនួនរងគ្រោះដោយទឹកជំនន់ ព្រមទាំងបំផ្លាញផ្ទះសម្បែង និងហេដ្ឋារចនាសម្ព័នមួយចំនួនផងដែរ។

យ៉ាងណាមិញ ក្រោយឃើញមាតុប្រទេសជួបប្រទះនឹងគ្រោះធម្មជាតិដូច្នេះ តារាចម្រៀង បុរសសង្ហា សម្បូរមន្តស្នេហ៍ និងជាសមាជិកក្រុម GOT7 លោក Jackson Wang បានចូលរួមឧបត្ថម្ភទឹកប្រាក់ផ្ទាល់ខ្លួនដល់ទៅ១លានយ័ន (ឬស្មើនឹង១៥៤,៦១៤ ដុល្លារសហរដ្ឋអាមេរិក) ជូនដល់ប្រទេសកំណើតរបស់ខ្លួនដើម្បីចូលរួមក្នុងការជួយសង្រ្គោះដល់ជនរងគ្រោះ និងស្តារស្ថានភាពតំបន់រងគ្រោះ ក្រោយគ្រោះទឹកជំនន់។

សូមបញ្ជាក់ផងដែលថា មិនត្រឹមតែមានរូបរាងស្រស់សង្ហា និងទឹកចិត្តសប្បុរសប៉ុណ្ណោះទេ ប៉ុន្តែសមាជិកក្រុម GOT7 លោក Jackson Wang រូបនេះ ក៏ទទួលបានប្រជាប្រិយភាពជុំវិញពិភពលោក និងត្រូវបានគេចាត់ទុកជាតារាKpop កំពូលមួយរូបក្នុងប្រវតិ្តសាស្រ្តសិល្ប:ចម្រៀងផងដែរ៕