គណៈកម្មវត្តព្រៃឆ្លាក់ ឆ្លងកូវីដ១៩ ហើយបានពាក់ព័ន្ធជាមួយព្រះសង្ឃ៤អង្គ

ខេត្តស្វាយរៀង៖ លោក ងួន អុន ភេទប្រុស អាយុ ៧៣ឆ្នាំ ដែលជាគណៈកម្មការអាចារ្យវត្ត រស់នៅភូមិព្រះវង់ សង្កាត់ស្វាយរៀង ក្រុងស្វាយរៀង ត្រូវបានរកឃើញវិជ្ជមានកូវីដ១៩ បានប៉ះពាល់ផ្ទាល់ជាមួយព្រះសង្ឃចំនួន៤អង្គ។

គួរជម្រាបថា បច្ចុប្បន្ននេះ វត្តព្រៃឆ្លាក់ ត្រូវបានបិទមួយរយៈ ដើម្បីចូលរួមទប់ស្កាត់ការរីករាលដាលនៃជំងឺកូវីដ១៩ និង ដើម្បីសុវត្ថិភាពញាតិញោមពុទ្ធបរិស័ទ្ធជិតឆ្ងាយ។ នេះបើតាមការបញ្ជាក់ពីព្រះចៅគ្រូអធិការវត្តព្រៃឆ្លាក់។

ជាមួយគ្នានេះដែរ រដ្ឋបាលខេត្តស្វាយរៀង ក៏បានអំពាវនាវដល់បងប្អូនប្រជាពលរដ្ឋ អាជីករ កម្មករ កម្មការិនី ដែលធ្លាប់ពាក់ព័ន្ធជាមួយគណៈកម្មការវត្តខាងលើ ធ្វើចត្តាឡីស័ក តាមដានសុខភាព និង អនុវត្តតាមការណែនាំរបស់ក្រសួងសុខាភិបាល៕

ប្រភព៖​ FN