ម៉ាឡេស៊ី៖ កាលពីថ្មីកន្លងទៅនេះ បុរសម្នាក់ មកពីទីក្រុង Kota Bharu នៃរដ្ឋ Kelantan បានប្រកាសដាក់លក់ស្បែកជើងមួយគូ នៅលើបណ្ដាញសង្គម ដែលបង្កឲ្យមានអ្នកចាប់អារម្មណ៍ចង់ទិញយ៉ាងខ្លាំង បើទោះបីជាវាមានសភាពចាស់ក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា បុរសរូបនេះ មានឈ្មោះថា Wan Irfayuim អាយុ៣១ឆ្នាំ ជាអ្នកចូលចិត្តប្រមូលស្បែកជើងប៉ាតាទុក។ ហើយស្បែកជើងដែលលោកប្រកាសលក់ ជាម៉ាក Converse ដំបូងបង្អស់ និងត្រូវបានផលិតឡើងក្នុងឆ្នាំ១៩១៧។
យ៉ាងណាមិញ ក្នុងរយៈពេលត្រឹមតែ២៤ម៉ោងប៉ុណ្ណោះ ក្រោយពីបង្ហោះប្រកាសលក់ មានអ្នកទាក់ទងចង់ទិញស្បែកជើងពីលោកចំពោះ៧នាក់ តែលោកបានលក់ឲ្យទៅម្នាក់ក្នុងចំណោមពួកគេទាំងនោះ ក្នុងតម្លៃ៤០,៨០០រីងហ្គីត (ប្រមាណ៩,៨២០ដុល្លារអាមេរិក)។ ចំពោះមូលហេតុនៃការសម្រេចចិត្តលក់របស់ដ៏កម្របែបនេះ គឺដោយសារតែលោកជួបប្រទះនូវបញ្ហាខ្វះខាតប្រាក់ចាយវាយ និងបាត់បង់ការងារនៅក្នុងឧស្សាហកម្មទេសចរណ៍នៅប្រទេសជប៉ុន ក្នុងអំឡុងពេលជំងឺកូវីដរាតត្បាត៕
សូមទស្សនារូបភាពខាងក្រោម៖
ប្រភព: Says.com
Bong I.T