ឃើញកម្មវិធី Clubhouse ជជែកជាសំឡេងល្បីពេក ហ្វេសប៊ុកក៏បញ្ចេញមុខងារមួយស្រដៀងគ្នា

បរទេស៖ ហ្វេសប៊ុកកំពុងបញ្ចេញមុខងារជជែកជាសំឡេងថ្មីមួយ។ ក្រុមហ៊ុននេះបានបង្ហាញមុខងារបន្ទប់ជជែកជាសំឡេង ដូចកម្មវិធី Clubhouse និងបានបន្ថែមមុខងារ podcasts ផងដែរ។ បន្ទប់ជជែកជាសំឡេងគឺជាការផ្សាយការសន្ទនាដោយផ្ទាល់ នៅក្នុងកម្មវិធី ហើយម្ចាស់បន្ទប់អាចអញ្ជើញមនុស្សជាច្រើនទៀត មកនិយាយជាមួយពួកគេ។

ដើម្បីបង្ហាញមុខងារថ្មីនេះ ហ្វេសប៊ុកនឹងដាក់មុខងារសន្ទនាជាសំឡេងនេះ នៅផ្នែកខាងលើ News Feed ខាងលើមុខងារ Stories។ ទម្រង់ថ្មីនៃមុខងារមួយនេះអាចបន្ថែមលក្ខណៈងាយស្រួលដល់អ្នកប្រើប្រាស់ ដូចជាអាចទិញ Stars និងផ្ញើទៅកាន់ influencers ទាំងនោះ ដើម្បីបង្ហាញពីការគាំទ្ររបស់អ្នក។

មុខងារនេះបានបញ្ចេញឲ្យប្រើប្រាស់នៅសហរដ្ឋអាមេរិក សម្រាប់បុគ្គលល្បីៗមួយចំនួន។ បន្ទប់ជជែកជាសំឡេងក៏នឹងដំណើរការនៅលើហ្វេសប៊ុក Group ផងដែរ។ ហ្វេកប៊ុកបាននិយាយថា មុខងារមួយនេះដំណើរនៅលើ groups មួយចំនួនដែលបានជ្រើសរើសប៉ុណ្ណោះ ហើយនឹងមានគម្រោងពង្រីកមុខងារនេះឲ្យបានទូលំទូលាយដែរ។

បន្ថែមពីបន្ទប់ជជែកជាសំឡេង ហ្វេសប៊ុកក៏បន្ថែមមុខងារ podcasts នៅលើវេទិការបស់ខ្លួនផងដែរ។ ជាមួយការ update ថ្មី ក្រុមអ្នកគាំទ្រអាចស្ដាប់ podcasts ស្របពេលដែលអូសលេងហ្វេសប៊ុក៕

ប្រភព: Engadget