កម្សាន្ត៖ កោះស្ដេច ជាកោះដ៏ធំមួយស្ថិតក្នុងស្រុកគីរីសាគរ ខេត្តកោះកុង។ ហើយទីនេះ បច្ចុប្បន្នក៏ជាទីកន្លែងកំពុងពេញនិយម និងទាក់ទាញចិត្តភ្ញៀវទេសចរជាតិ អន្តរជាតិឲ្យមកទស្សនាកម្សាន្តពីមួយថ្ងៃទៅមួយថ្ងៃច្រើនជាហូរហែផងដែរ ព្រោះថាកោះមួយនេះវាមានទីតាំងភូមិសាស្រ្តល្អ បរិយាកាសបរិសុទ្ធ និងសម្បូរកន្លែងលេងច្រើនមិនខ្វះនោះឡើយ។

ចុះប្រសិនបើមានបំណងចង់ទៅលេងកោះនេះ តើត្រូវធ្វើម៉េចខ្លះទើបសប្បាយដូចគេថា?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំពោះរឿងនេះមិនចាំបាច់ភ័យនោះទេ សម្រាប់កន្លែងលេងប្រាកដជាមានមិនខ្វះ! ហើយម្យ៉ាងទៀត សម្រាប់អ្នកដែលចង់ទៅលេងកោះស្ដេចនេះ តែមិនទាន់ដឹងថាគួរត្រូវធ្វើអីខ្លះទើបសប្បាយពេលដែលបានទៅដល់? ដូច្នេះថ្ងៃនេះ លំហែ នឹងនាំអារម្មណ៍ប្រិយមិត្តទាំងអស់គ្នាមកស្គាល់ទីតាំងទាំងនេះដូចខាងក្រោម៖

១.ដើរមើលពីការរស់នៅរបស់អ្នកភូមិនៅលើកោះនេះ

ប្រជាជនរស់នៅទីនោះមានភាពរួសរាយណាស់ ពិសេសរបត់ជីវិតរបស់ពួកគាត់នៅទីនោះក៏មានភាពជឿនលឿនណាស់ដែរ ដោយនៅក្នុងភូមិ មានផ្សារ មានកន្លែងលក់របស់របរផ្សេងៗ និងមានតូបលក់ចំណីអាហារសម្រាប់ញ៉ាំមិនខ្វះនោះឡើយ។

ទិដ្ឋភាពក្នុងភូមិ

២.ជិះទូកមើលទេសភាពជុំវិញកោះ និងស្ទូចត្រី 

បន្ទាប់ពីដើរលេងតាមភូមិអស់ចិត្តហើយ បើយើងចង់ជិះទូកទៅមើលទេសភាព ក៏អាចរកជួលទូកគេបានដែរប្រសិនបើយើងមានពេលគ្រប់គ្រាន់ ពិសេសបើបានទៅមើលផ្កាថ្ម និងស្ទូចត្រីថែមទៀតនោះ លោកអ្នកនឹងទទួលអារម្មណ៍ប្លែកថ្មីមួយបែបទៀតផងដែរ។

ជិះទូកមើលទេសភាពជុំវិញកោះ

៣.ទៅលេងឆ្នេរដូង

ទីនេះគឺជាឆ្នេរដ៏ស្អាតនៅលើកោះស្ដេចនេះ តែទឹកនៅទីនេះរាងជ្រៅបន្តិច ប្រសិនបើចង់ងូតលេង អាចនៅត្រឹមរាក់ៗបានហើយ។ 

ឆ្នេរដូង

៤.ទៅលេងពយបារាំង

ទីនេះជាកន្លែងលាក់ខ្លួនមួយដែលមានឆ្នេរខ្សាច់តូចល្មម និង មានដើមដូងជាច្រើនដុះព្រោងព្រាត និងមានស្ពានឈើលយចូលទៅលើមាត់សមុទ្របង្កើតបានជាប្លង់ថតរូបយ៉ាងស្អាតតែម្ដង។ ហើយទីនេះយើងគួរទៅពេលថ្ងៃនិងជិតរសៀលដើម្បីមើលថ្ងៃលិចយ៉ាងស្រស់ស្អាតនៅទីនោះ។

ពយបារាំង

៥.ទៅលេងកោះស្មាច់

កោះនេះ មានទីតាំងនៅជិតនឹងកោះស្ដេចដែរ ហើយទីនេះក៏ជាកន្លែងដ៏ស្រស់ស្អាតគួរជាទីចាប់អារម្មណ៍បំផុត ព្រោះវាមានឆ្នេរខ្សាច់ធំទូលាយ ងាយស្រួលសម្រាប់ការងូតទឹកកម្សាន្ត។

កោះស្មាច់

៧.ទៅលេងកោះរីករាយ ឬកោះខ្មោច

ចេញពីកោះស្មាច់តែបន្តិចប៉ុណ្ណោះ យើងនឹងមកដល់ឆ្នេរមួយនេះ ហើយទីនេះក៏ជាកន្លែងល្អសម្រាប់មើលផ្កាថ្មផងដែរ។

កោះរីករាយ ឬកោះខ្មោច

រូបភាពពី៖ ជ្រួលជ្រើម-Jruol Jrerm

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក អាហារ និង ដើរលេង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]