អាហ្វ្រិកខាងត្បូង៖ រដ្ឋាភិបាលអាហ្វ្រិកខាងត្បូងនិយាយថា ត្បូងដែលត្រូវរកឃើញនៅក្នុងភូមិមួយ កាលពីខែមុន មិនមែនជាពេជ្រនោះទេ តែវាជាត្បូងក្វាត្ស៍។ អ្នកឃ្វាលគោម្នាក់បានរកឃើញត្បូងទាំងនេះ នៅក្នុងខេត្ត KwaZulu-Natal។ រឿងនេះបានជំរុញឲ្យមនុស្សរាប់ពាន់នាក់ ប្រញាប់ប្រញាល់ទៅភូមិ KwaHlathi ដែលមានចម្ងាយជាង៣០០គីឡូម៉ែត្រ ភាគអាគ្នេយ៍នៃទីក្រុង Johannesburg។

ប៉ុន្តែបន្ទាប់ពីបានធ្វើតេស្ដ ក្រុមមន្ត្រីបាននិយាយថា ត្បូងទាំងនេះគឺជាគ្រីស្តាល់ក្វាត្ស៍ ដែលមិនសូវមានតម្លៃ។ បន្ទាប់ពីរ៉ែថ្ម feldspar ត្បូងក្វាត្ស៍គឺជារ៉ែដែលមានច្រើនបំផុត នៅក្នុងសម្បកផែនដី។ ការផ្អើលឆោឡោបានកើតមានឡើង នៅក្នុងតំបន់ក្រីក្របំផុតមួយរបស់អាហ្វ្រិកខាងត្បូង។ ប្រទេសនេះដែលទទួលរងសម្ពាធពីកម្រិតខ្ពស់នៃវិសមភាពសេដ្ឋកិច្ច ត្រូវបានគេមើលឃើញថា មានការកើនឡើងអត្រាអត់ការងារធ្វើ ចំពេលមានជំងឺរាតត្បាតសកល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រូបភាព (Reuters: Siphiwe Sibeko)

ការរកឃើញនូវអ្វីដែលគេជឿថាជាពេជ្រ ក្នុងភូមិ KwaHlathi បានបង្ហាញពីការខកចិត្តយ៉ាងខ្លាំងរបស់សហគមន៍ ដែលចង់ស្វែងរកផ្លូវចេញពីភាពក្រីក្រ។ ការសិក្សាដែលត្រូវបានអនុវត្តនៅក្នុងតំបន់ ដែលរកឃើញត្បូងទាំងនេះ បានបង្ហាញភូមិសាស្ត្រនេះស្ថិតនៅចុងតំបន់ Karoo ដែលធម្មតាមិនមែនជាតំបន់ដែលគេរកឃើញមានពេជ្រនោះទេ។ រដ្ឋាភិបាលបានស្នើសុំឲ្យប្រជាជន បញ្ឈប់ការជីក ព្រោះការធ្វើអាជីវកម្មរ៉ែខុសច្បាប់មានផលប៉ះពាល់ដល់បរិស្ថាន៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]