ម៉ិកស៊ិក៖ រណ្ដៅយក្សដ៏ធំមួយដែលលេចឡើងនៅក្នុងប្រទេសម៉ិកស៊ិក កាលពីខែមុន បានរីកមាឌកាន់តែធំជាងមុន ហើយបានលេបត្របាក់យកផ្ទះមួយខ្នង នៅក្បែរនោះ។ រណ្ដៅយក្សមួយនេះកើតមានកាលពីចុងខែមុន ក្នុងតំបន់ Santa Maria Zacatepec ប្រហែលជាង១៩គីឡូម៉ែត្រ ខាងក្រៅទីក្រុង Puebla។

ដំបូងឡើយ វាមានមុខកាត់៤.៥ម៉ែត្រ និងរីកធំទៅៗរហូតដល់ជាង៩ម៉ែត្រ កាលពីដើមខែនេះ ហើយក្រោយមកបានរីកមាឌប្រហែលជាង១២៦ម៉ែត្រ និងមានជម្រៅប្រហែល៥៦ម៉ែត្រ។ កាលពីប៉ុន្មានសប្ដាហ៍មុន ក៏មានឆ្កែពីរក្បាលឈ្មោះ Spay និង Spike បានជាប់នៅក្នុងរណ្ដៅនោះរយៈពេលជាង៧២ម៉ោង មុននឹងត្រូវបានគេជួយសង្គ្រោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ស្របពេលក្រុមមន្ត្រីគិតគូរ ថាតើគួរដោះស្រាយបែបណាជាមួយការរីកធំឡើងនៃរណ្ដៅនេះ អភិបាលក្រុង Puebla លោក Miguel Barbosa ប្រាប់ទៅកាន់អ្នករាយការណ៍ថា យ៉ាងហោចណាស់គ្រួសាររងគ្រោះនឹងទទួលបានផ្ទះមួយខ្នង ហើយក្រុមប្រឹក្សាមូលដ្ឋានមានគម្រោងបរិច្ចាគដីនិងសាងសង់ផ្ទះមួយខ្នងជួនគ្រួសារនេះ៕

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]