បរទេស៖ យោងតាមឯកសារបែកធ្លាយបង្ហាញថា ក្រុមហ៊ុនអវកាសរបស់មហាសេដ្ឋី Elon Musk មិនអើពើចំពោះការព្រមានយ៉ាងតិចពីរ ពីរដ្ឋបាលអាកាសចរណ៍សហព័ន្ធ (FAA) ថាការបាញ់រ៉ុក្កែត SN8 របស់ខ្លួនកាលពីខែធ្នូអាចមិនមានសុវត្ថិភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវេបសាយ The Verge បានឱ្យដឹងការព្រមានពី FAA ត្រូវបានផ្អែកលើកម្មវិធីអាកាសធាតុ ឬ launch-weather modelling software។
កម្មវិធីបានណែនាំថា ប្រសិនបើរ៉ុក្កែតណាមួយផ្ទុះនោះ ការរំញ័ររបស់នឹងរីកកាន់តែខ្លាំងដោយលក្ខខណ្ឌអាកាសធាតុដូចជាល្បឿនខ្យល់ ហើយអាចបង្កគ្រោះថ្នាក់ដល់ផ្ទះដែលនៅក្បែរនោះផងដែរ។
ប៉ុន្តែក្រុមហ៊ុន SpaceX បានអើពើនឹងការព្រមាន ព្រោះខ្លួនបាននិយាយថាកម្មវិធីរបស់ FAA អាចកែប្រែបានដើម្បីផ្តល់នូវលទ្ធផលប្រសើរឬអាក្រក់សម្រាប់សេណារីយ៉ូណាមួយ។
ក្រុមហ៊ុន SpaceX ក៏បាញ់បង្ហោះរ៉ុក្កែតរបស់ខ្លួន ដោយការធ្វើបែបនេះបានបំពានលើអាជ្ញាប័ណ្ណបាញ់បង្ហោះពី FAA។ ដូច្នេះហើយ រ៉ុក្កែត SN8 បានបាញ់បង្ហោះដោយជោគជ័យមែន ប៉ុន្តែពេលវាចុះមកវិញគឺពោរពេញដោយអណ្តាតភ្លើង៕