បឹងឈូក បន្ទាយស្រី ជារមណីដ្ឋានលើទឹកគួរឲ្យចាប់អារម្មណ៍

លំហែ៖ នាពេលចុងសប្ដាហ៍ក្រោយសម្រាកពីការងារ ហើយលោកអ្នកចង់រកកន្លែងកម្សាន្តសម្រាប់កាត់បន្ថយភាពតានតឹងដើម្បីឲ្យធូរអារម្មណ៍នោះ អ្នកគួរតែទៅលេងកម្សាន្តទីណាដែលមានខ្យល់ធម្មជាតិ ដើមឈើ មាត់ទឹក ឬលើភ្នំ ហើយកន្លែងរមណីយដ្ឋានដែលគេពេញនិយមទៅលំហែដែលសាកសមចំពោះដំណើរកម្សាន្តចុងសប្ដាហ៍គឺ បឺងឈូក បន្ទាយស្រី។ រមណីយដ្ឋានទេសចរណ៍សហគមន៍បឹងឈូក - Beng Chuk Community Tourism មានចម្ងាយប្រមាណ៤៣គីឡូម៉ែត្រពីខេត្តសៀមរាប ធ្វើដំណើរប្រហែលជាង១ម៉ោងដែលស្ថិតនៅភូមិបន្ទាយស្រី ឃុំខ្នារសណ្តាយ ស្រុកបន្ទាយស្រី ខេត្តសៀមរាប។ បើអ្នកទៅលេងនៅទីនោះ ប្រាកដជាមិនខកបំណងនោះទេ ព្រោះលោកអ្នកមិនត្រឹមតែបានស្រូបខ្យល់ធម្មជាតិក្នុងកញ្ចុះលើទឹកប៉ុណ្ណោះទេ អ្នកអាចរីករាយនឹងសកម្មភាពសប្បាយជាច្រើនដូចជា៖

• គេងអង្រឹង
• ទទួលទានអាហារបែបខ្មែរ
• ស្ទូចត្រីកម្សាន្ត
• ហែល និងងូតទឹកលេង
• ជិះទូកទស្សនាសត្វស្លាបទឹកជាច្រើនប្រភេទ
• ដេីរកំសាន្តព្រៃកោងកាង
• ដាំដេីមឈេី
• ជិះទាទឹក
• ជិះទូកកាយ៉ាក
• ជិះកាណូតដេីរលេងទៅកោះ
• បោះតង់
• ទស្សនាថ្ងៃលិច និងថ្ងៃរះ

សូមទស្សនារូបភាព៖ 

ប្រភពពី៖ Khmer Places