ឥណ្ឌា៖ លោកយាយម្នាក់ ដែលឆ្លងកូវីដ-១៩ បានវិលត្រលប់មកផ្ទះវិញ ក្រោយពីជាសះស្បើយ និងបង្កឲ្យមានការភ្ញាក់ផ្អើលយ៉ាងខ្លាំងដល់អ្នកជិតខាង ព្រមទាំងសាច់ញាតិ។

យោងតាមប្រភពសារព័ត៌មានបានឲ្យដឹងថា លោកយាយរូបនេះ មានឈ្មោះថា Muthyala Girijamma អាយុ៧៥ឆ្នាំ ត្រូវបានគេបញ្ជូនទៅព្យាបាលនៅមន្ទីរពេទ្យមួយកន្លែង បន្ទាប់ពីតេស្តវិជ្ជមានកូវីដ-១៩ កាលពីថ្ងៃទី១២ ខែឧសភាកន្លងទៅនេះ។ លុះមកដល់ថ្ងៃទី១៥ ខែឧសភា ខាងក្រុមគ្រួសារបានទទួលដំណឹងថា លោកយាយបានស្លាប់បាត់បង់ជីវិតហើយដោយសារតែកូវីដ-១៩។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្នែកទៅលើច្បាប់យ៉ាងតឹងតឹងរ៉ឹងរបស់ខាងមន្ទីរពេទ្យ សពទាំងអស់អាចមើលឃើញពីចម្ងាយប៉ុណ្ណោះ ​និងត្រូវបានបុគ្គលិករុំក្នុងផ្លាស្ទិកយ៉ាងជិតឈឹង។ ដូច្នេះក្រុមគ្រួសារមិនអាចប្រាកដបានទេថា សពជារាងកាយរបស់លោកយាយឬអ្នកណាឡើយ និងដើម្បីចៀសវាងមានមេរោគសាយភាយ ទើបមិនបើកមើលសព។

នៅថ្ងៃដដែល ក្រុមគ្រួសារបានយកសពមកផ្ទះ ដើម្បីធ្វើពិធីបូជា។ ហើយអ្វីដែលធ្វើឲ្យគ្រប់គ្នាស្រឡាំងកាំងនោះគឺ ជិតពីរសប្ដាហ៍ក្រោយមក លោកយាយបានធ្វើដំណើរវិលត្រលប់មកផ្ទះវិញ។

ទន្ទឹមនឹងនេះដែរ ត្រូវបានគេដឹងថា សពដែលធ្វើក្រុមគ្រួសាររបស់លោកយាយធ្វើបុណ្យនៅថ្ងៃនោះ មិនមែនជាលោកយាយទេ។ ហើយលោកយាយវិញ បានត្អូញត្អែរដែរថា គ្មានអ្នកណាទៅទទួលយកគាត់ចេញពីពេទ្យសោះ អីចឹងហើយគាត់ទើបគាត់បានប្រាក់ពីមូលនិធិរដ្ឋាភិបាលចំនួនប្រមាណ៤០ដុល្លារអាមេរិក សម្រាប់ធ្វើដំណើរមកផ្ទះ។

យ៉ាងណាមិញ ជុំវិញអត្តសញ្ញាណសពដែលធ្វើបុណ្យឲ្យនោះ នៅមិនទាន់ដឹងនៅឡើយទេ៕

សូមទស្សនារូបភាពខាងក្រោម៖

លោកយាយពេលត្រលប់មកវិញ
លោកយាយពេលត្រលប់មកវិញ
លោកយាយពេលត្រលប់មកវិញ

ប្រភព: worldofbuzz / indiatoday

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]