Lionel Messi វាយតម្លៃកីឡាកររូបនេះ​ក្នុងកម្រិតខ្ពស់បំផុត និង​បានពណ៌នារូបគេថាជា «កីឡាករដ៏អស្ចារ្យ»

អឺរ៉ុប៖ យោងតាម ​​Estadio Deportivo បានឱ្យដឹងថា West Ham ចាប់អារម្មណ៍ក្នុងការនាំយក Alexis Sánchez មកកាន់ Premier League វិញ។ សារព័ត៌មានអេស្បាញជឿជាក់ថាក្រុម Barcelona និង Sevilla ក៏កំពុងតែដេញតាមបុរសវ័យ ៣២ ឆ្នាំរូបនេះដែលបច្ចុប្បន្នកំពុងនៅ Inter Milan ខណៈ ក្រុមយក្សអុីតាលីកំពុង​ប្រឈមមុខនឹងបញ្ហាហិរញ្ញវត្ថុ ហើយបានស្នើឱ្យកីឡាករសញ្ជាតិ Chile រូបនេះ ចាកចេញ ។

បុរសម្នាក់ដែលវាយតម្លៃ Sánchez ខ្ពស់គឺ Lionel Messi ដែលបានពណ៌នាកីឡាកររូបនេះថាជា “កីឡាករអស្ចារ្យ” ខណៈដែល Barcelona ព្យាយាមចុះហត្ថលេខាជាមួយគាត់។ Messi បាននិយាយថា ខ្សែប្រយុទ្ធដែលកើតក្នុងទីក្រុង Tocopilla នឹងក្លាយជា “ការចុះហត្ថលេខាដ៏អស្ចារ្យ” សម្រាប់ក្រុមយក្សអេស្ប៉ាញ​មួយនេះ ។

ប្រសិនបើ Messi វាយតម្លៃបែបនេះលើកីឡាករណាម្នាក់ ច្បាស់ណាសគឺគេនិយាយអំពីគុណភាពរបស់គាត់៕