អាមេរិក៖ ថ្មីៗនេះ ស្ត្រីម្នាក់មានឈ្មោះថា Diamond Robinson រស់នៅក្នុងរដ្ឋ Michigan ត្រូវបានប៉ូលិសផាកពិន័យអស់ទឹកចំនួន៣៨៥ដុល្លារអាមេរិក ពីបទរំខានជាសាធារណៈ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្ដីរបស់សាមីខ្លួនផ្ទាល់បានប្រាប់ប្រភពព័ត៌មានឲ្យដឹងថា នៅថ្ងៃកើតហេតុ នាងបានដើរបណ្ដើរ និយាយទូរសព្ទបណ្ដើរនៅតាមផ្លូវនៃតំបន់ដែលនាងរស់នៅ។ ហើយពេលនោះ មានអ្នកជិតខាងស្បែក.សម្នាក់ បានដើរមកដាស់តឿននាងថា ឲ្យឈប់និយាយទូរសព្ទឮៗទៀត។ ឮដូច្នេះ នាងក៏បានដេញអ្នកជិតខាងឲ្យចេញពីមុខរបស់នាង ហើយនាងផ្ទាល់ក៏ដើរចេញដែរ។ ហើយប្រហែលជា៣នាទីក្រោយមក ប៉ូលិសក៏បានមកដល់តែម្ដង។
យ៉ាងណាមិញ នាង Robinson មិនពេញចិត្តចំពោះការផាកពិន័យនេះឡើយ ព្រោះនាងគិតថានាងមិនបានធ្វើអ្វីខុសទេ ហើយនាងក៏ជឿដែរថា មានរឿងបែបនេះកើតឡើងដោយសារតែនាងមានស្បែកខ្មៅ។ ចំណែកអ្នកជិតខាងដែលប្ដឹងប៉ូលិសវិញ មិនបានចេញមុខបកស្រាយក្បេះក្បាយបន្ថែមឲ្យខាងព័ត៌មានបានដឹងទេ៕
សូមទស្សនារូបភាពខាងក្រោម៖
ប្រភព: ladbible.com