ភ្នំពេញ៖ កន្លងទៅ២ឆ្នាំហើយ ដែលកំពូលតារាចម្រៀងស្រីដ៏ល្បីលំដាប់ជួរមុខ ប្រចាំប្រទេសកម្ពុជា អ្នកនាង ឱក សុគន្ធកញ្ញា បានចូលរោងការ ហើយវាក៏ជាពិធីមង្គល ការដ៏ល្បីប្រចាំឆ្នាំមួយ ដោយសារតែមង្គលការនោះ គឺសុទ្ធសឹងតែ សិល្បករល្បីៗ នៅក្នុងប្រទេសចូលរួម ស្ទើរតែគ្រប់គ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក បន្ទាប់ពីរៀបការហើយ អ្នកនាងឱក សុគន្ធកញ្ញា និងស្វាមី ក៏ទទួលបានកូនប្រុស ដ៏គួរឱ្យស្រលាញ់មួយជាចំណងដៃ ដែលធ្វើឱ្យអ្នកនាងឱក សុគន្ធកញ្ញា កាន់តែទទួលបានភាពកក់ក្តៅ និងសុភមង្គល ជាខ្លាំងពីស្វាមី ដោយអ្នកនាង តែងបានបង្ហោះរូបភាពផ្អែមល្អែម នៅលើបណ្តាញសង្គម ដែលមើលទៅ ពិតជាមានសុភមង្គលយ៉ាងខ្លាំងណាស់។
ជាក់ស្ដែង ដូចក្នុងរយៈពេលថ្មីៗនេះ តារាចម្រៀងស្រីរូបនេះ បានធ្វើដំណើរកម្សាន្តក៏ដូចជារំលឹកខួបអាពាហ៍ពិពាហ៍ ២ឆ្នាំរបស់អ្នកនាងនិងស្វាមី ដែលបានធ្វើឡើងនៅលើទឹកដីអង្គរខេត្តសៀមរាប ហើយក៏បានបង្ហោះឲ្យបណ្តាអ្នកគាំទ្រជាច្រើនបានឃើញ ហើយក៏មានអ្នកលួចច្រណែននិងជីវិតគ្រួសាររបស់អ្នកនាងមិនស្ទើរ ដោយនាងបានបង្ហាញពីភាពផ្អែមល្ហែមយ៉ាងមានក្តីសុខជាមួយនឹងស្វាមីព្រមទាំងកូនប្រុសដ៏គួរឲ្យស្រឡាញ់ផងដែរ៕
សូមទស្សនារូបភាពខាងក្រោម៖