ស្ងាត់ៗភាពយន្ត Hollowood ចំនួន ៣ ចូលរួមសម្តែងដោយតារាល្បីៗបានកំពុងត្រៀមពញ្ញាក់អារម្មណ៍មិត្តអ្នកគាំទ្រ

ថៃ៖ បើយោងតាមប្រភពព័ត៌មានកម្សាន្តថៃមួយបានឲ្យដឹងថា តារាសម្តែងប្រុសស្រីជួរមុខប្រចាំប្រទេសថៃជាច្រើនរូបបានត្រៀមខ្លួនរួចជាស្រេច សម្រាប់ថតភាពយន្តខ្នាតធំបែប Hollowood។

តោះ! ចង់ដឹងអត់ថា តើភាពយន្តខ្នាតធំទាំង ៣ នោះមានចំណងជើងអ្វីខ្លះ? ហើយចូលរួមសម្តែងដោយតារារូបណាខ្លះ?

១. Poo Praya Lundberg

តារាសម្តែង និងតារាម៉ូដែល Poo Praya បានបង្ហើបថានាងនឹងត្រៀមដើរជាតួ​ឯកនៅក្នុងភាពយន្តហូលីវូត ដែលរឿងនោះមានចំណងជើងថា «Paradise City» ហើយក្នុងរឿងនេះក៏មានការចូលរួមសម្តែងដោយ Bruce Willis និង John Travolta ផងដែរ។

២. Weir Sukollawat

រីឯភាពយន្តហូលីវូតចំណងជើង «Thirteen Lives» វិញឃើញថាមានការចូលរួមសម្តែងដោយតារាល្បីៗជាច្រើនដួងដូចជា Weir Sukollawat, James Theeradon, Two Popetorn, Tui Thirapat និង Ploy Pattrakorn ដែលបច្ចុប្បន្ននេះពួកគេកំពុងមមាញឹកក្នុងការសម្តែងនៅឯប្រទេសអូស្តា្រលី។

៣. Mike D. Angelo

ចំណែកតារាប្រុសរូបសង្ហា Mike D. Angelo បានក្លាយជាតួឯក និងជាតួអង្គដ៏សំខាន់នៅក្នុងភាពយន្ត «The Misfits» ដែលរឿងនេះគ្រោងនឹងចាក់បញ្ចាំងនៅក្នុងថ្ងៃទី១១ ខែមិថុនា ឆ្នាំ២០២១ ឆាប់ៗនេះហើយ៕

ប្រភព៖ thaiupdate