អង់គ្លេស៖ យោងតាមការរាយការណ៍ ក្លិបបិសាចក្រហម Manchester United ធ្លាប់បានព្យាយាមតាមទិញយកខ្សែបម្រើ Jadon Sancho នៃក្លិប Borussia Dortmund និងខ្សែប្រយុទ្ធ Ousmane Dembele លេងឲ្យក្លិបអ្នកមានបុណ្យ Barcelona ប៉ុន្តែដោយសារការចរចាបរាជ័យទើប Man UTD ងាកមកចាប់អារម្មណ៍នាំយកខ្សែប្រយុទ្ធ Edinson Cavani ពីក្លិប PSG ដោយគ្មានតម្លៃខ្លួនជំនួសវិញ។
ការមកដល់របស់ Cavani បានបង្កក្ដីរំភើបនិងសាទរពីអ្នកគាំទ្រហើយរហូតមកទល់ពេលនេះ កីឡាករសញ្ជាតិអ៊ុយរ៉ាហ្កាយរូបនេះបានក្លាយជាតារាឆ្នើមម្នាក់ដែលជះឥទ្ធិពលយ៉ាងល្អចំពោះក្រុម បើទោះបីជាគេមានអាយុចំណាស់ជាង Sancho និង Dembele ក្ដី។
ថ្មីៗនេះ Cavani ក៏បានប្រកាសបន្តកុងត្រាថ្មីថែមមួយឆ្នាំទៀតជាមួយក្លិបដែលធ្វើឲ្យលោកគ្រូបង្វឹក Ole Gunnar Solskjaer មិនចាំបាច់ត្រូវតាមទិញយកខ្សែប្រយុទ្ធ Harry Kane ឬ Erling Haaland នៅពេលនេះនោះឡើយ។
គួរបញ្ជាក់ផងដែរថា Manchester United ធ្លាប់ដាក់សំណើទៅ Barcelona ដើម្បីទិញយក Ousmane Dembele ប៉ុន្តែកីឡាករសញ្ជាតិបារាំងរូបនេះបានបដិសេធ ចំណែក Jadon Sancho វិញគឺ ការចរចាបរាជ័យដោយសារ តថ្លៃគ្នាជាមួយ Borussia Dortmund មិនត្រូវ។
យ៉ាងណាមិញ អ្នកគាំទ្រ Man UTD នៅតែចង់ឲ្យក្លិបទិញយកកីឡាករមកបន្ថែមទៀតព្រោះ Cavani កាន់តែមានអាយុច្រើននិងមិនអាចរក្សាទម្រង់លេងល្អរហូតនោះឡើយ៕
ប្រភព៖ caughtoffside
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប