Klopp ថា Chelsea ជាក្រុមខ្លាំងអាចប្រជែងយកពាន PL រដូវកាលក្រោយបាន
អង់គ្លេស៖ លោកគ្រូបង្វឹក Jurgen Klopp នៃក្លិបហង្សក្រហម Liverpool បាននិយាយម្ដងហើយម្ដងទៀតថា Chelsea នឹងក្លាយជាក្រុមមួយដែលមានសមត្ថភាពប្រជែងយកពាន Premier League ក្រោមការដឹកនាំរបស់ Thomas Tuchel នៅរដូវកាលក្រោយ។
ក្រោយ Tuchel ចូលមកដឹកនាំបន្តពី Frank Lampard កាលពីខែមករាកន្លងទៅនេះ Chelsea ធ្វើបានល្អៗជារឿយៗ និងថែមទាំងបានមកដល់វគ្គផ្ដាច់ព្រ័ត្រ Champions League ទៀតផង ហើយក្រុមមួយនេះក៏បានឡើងមកដល់វគ្គផ្ដាច់ព្រ័ត្រនៅ FA Cup ផងដែរ។
បើទោះជាយ៉ាងណាក៏ដោយ លោកគ្រូ Klopp នៅតែនិយាយថា Liverpool ក៏មានសិទ្ធិលើកពាន Premier League រដូវកាលក្រោយដែរតែគូប្រជែងជាឧបសគ្គរារាំងមិនមែនមានត្រឹម Manchester City នោះឡើយគឺមាន Chelsea និង Man UTD ផងដែរ។